Astananyń qylmystyq ister jónindegi mamandandyrylǵan aýdanaralyq sotynda ótken otyrys barysynda LRT isi boıynsha sot proesinde syrttaı úkim shyqty, - dep habarlaıdy "Adyrna" portaly.
Sot otyrysynda sýdıa Vıktorııa Semenova Ardan men Sultanbekovke syrttaı úkim shyǵarylǵanyn, sebebi olar Qazaqstannan tys jerde bolǵandyqtan jáne sotqa kelýden jaltaryp júrgenin túsindirdi.
"Sot Qanat Sultanbekov QR QK-nyń 1997 jylǵy redakııada 235-baptyń 3-bóligi boıynsha kinásiz dep tanýǵa jáne ony qylmys jasaǵany dáleldenbegeni úshin aqtaýǵa úkim shyǵardy. Qanat Sultanbekov QR QK-nyń 28-baby 3-bóligi, 189-baby 2-tarmaǵy boıynsha qylmys jasaǵany úshin kináli dep tanylsyn jáne memlekettik qyzmette, sýdıa jáne jergilikti ózin-ózi basqarý organdarynda qyzmet atqarý quqyǵynan ómir boıyna aıyra otyryp, 7 jylǵa bas bostandyǵynan aıyrýǵa jaza taǵaıyndalsyn.
Ardan Talǵat QR QK-nyń 1997 jylǵy redakııada 262-baptyń 3-bóligi boıynsha kinásiz dep tanylsyn jáne onyń qylmys jasaǵany dáleldenbegeni úshin aqtalsyn. QR QK-nyń 189-baby 4-bóligi 2-tarmaǵy boıynsha jasalǵan qylmys úshin kináli dep tanylsyn jáne memlekettik qyzmette, sýdıada jáne jergilikti ózin-ózi basqarý organdarynda laýazymdardy atqarý quqyǵynan ómir boıyna aıyra otyryp, 7 jylǵa bas bostandyǵynan aıyrý jazasy taǵaıyndalsyn", - dedi sýdıa Vıktorııa Semenova.
Eske salaıyq, LRT isi boıynsha sot 2020 jyldyń kúzinde Astanada bastaldy. Aıyptalýshylar qatarynda 5,8 mıllıard teńgeni jymqyrdy dep aıyp taǵylǵan jeti adam bar.
