الماتى اكىمدىگى اعا ءورت ءسوندىرۋشى-قۇتقارۋشى ارسلان قۇرمانبەكوۆتىڭ وتباسىنا كوڭىل ايتتى. مارقۇمنىڭ كاسىبي قىزمەت ۇستىندە قاپيادان قالاي قايتىس بولعانى ايتىلدى، دەپ حابارلايدى "ادىرنا" ۇلتتىق پورتالى.
الماتى اكىمدىگىنىڭ حابارلاۋىنشا، ازاماتتىق قورعاۋ سەرجانتى ارسلان قۇرمانبەكوۆ ىلە-الاتاۋ ۇلتتىق تابيعي پاركىندەگى تاۋدىڭ باۋرايىندا ءورتتى ءسوندىرۋ كەزىندە قىزمەتتىك بورىشىن وتەپ جۇرگەن. قاپيادا مارقۇمنىڭ ۇستىنە جانىپ جاتقان اعاشتىڭ ءدىڭى قۇلاعان. وكىنىشكە قاراي، ازامات العان جاراقاتتارىنان كوز جۇمعان.
"الماتى اكىمدىگى مارقۇمنىڭ تۋىستارىنا قاتتى قايعىرىپ، كوڭىل ايتادى. بۇل ورنى تولماس اۋىر قايعى. قۇتقارۋشى ماماندىعىنىڭ قاشان دا تاۋەكەلى جوعارى. سەرجانت
ۇلكەن قايعىلى وقيعانىڭ الدىن الۋ ءۇشىن ءوز ءومىرىن قۇربان ەتتى. ونىڭ وشپەس ەرلىگىن ارىپتەستەرى جانە قالا تۇرعىندارى ۇمىتپايدى", - دەپ مالىمدەدى الماتى اكىمدىگى.
ەسكە سالا وتىرايىق، 2023 جىلعى 7 مامىردا 23:52-دەن بەرى الماتىنىڭ مەدەۋ اۋدانى ىلە-الاتاۋ مەملەكەتتىك ۇلتتىق تابيعي پاركىنىڭ فيليالى، كىشى الماتى ورمانشىلىعىنىڭ تاۋ باۋرايىندا قۇرعاق شوپتەر مەن قۇلاعان اعاشتار (قۋراعان اعاشتار) ورتەنىپ جاتىر.
مەدەۋدەگى ءورتتى ءسوندىرۋ كەزىندە ءبىر ادام قازا تاپتى، تاعى ءبىر قۇتقارۋشى قولىن جاراقاتتادى.
"ادىرنا" ۇلتتىق پورتالى