Almaty ákimdigi aǵa órt sóndirýshi-qutqarýshy Arslan Qurmanbekovtiń otbasyna kóńil aıtty. Marqumnyń kásibı qyzmet ústinde qapııadan qalaı qaıtys bolǵany aıtyldy, dep habarlaıdy "Adyrna" ulttyq portaly.
Almaty ákimdiginiń habarlaýynsha, azamattyq qorǵaý serjanty Arslan Qurmanbekov Ile-Alataý ulttyq tabıǵı parkindegi taýdyń baýraıynda órtti sóndirý kezinde qyzmettik boryshyn ótep júrgen. Qapııada marqumnyń ústine janyp jatqan aǵashtyń dińi qulaǵan. Ókinishke qaraı, azamat alǵan jaraqattarynan kóz jumǵan.
"Almaty ákimdigi marqumnyń týystaryna qatty qaıǵyryp, kóńil aıtady. Bul orny tolmas aýyr qaıǵy. Qutqarýshy mamandyǵynyń qashan da táýekeli joǵary. Serjant úlken qaıǵyly oqıǵanyń aldyn alý úshin óz ómirin qurban etti. Onyń óshpes erligin áriptesteri jáne qala turǵyndary umytpaıdy", - dep málimdedi Almaty ákimdigi.
Eske sala otyraıyq, 2023 jylǵy 7 mamyrda 23:52-den beri Almatynyń Medeý aýdany Ile-Alataý memlekettik ulttyq tabıǵı parkiniń fılıaly, Kishi Almaty ormanshylyǵynyń taý baýraıynda qurǵaq shópter men qulaǵan aǵashtar (qýraǵan aǵashtar) órtenip jatyr.
Medeýdegi órtti sóndirý kezinde bir adam qaza tapty, taǵy bir qutqarýshy qolyn jaraqattady.
"Adyrna" ulttyq portaly
