ءماجىلىستىڭ جالپى وتىرىسىندا ۇقك توراعاسىنىڭ ورىنباسارى مارات قالقاباەۆقا قاڭتار وقيعاسىنان كەيىن شەندەردى تازارتۋ تۋرالى سۇراق قويىلدى، - دەپ حابارلايدى "ادىرنا".
"وتكەن جىلدىڭ قاڭتار ايىنداعى قايعىلى وقيعا كەزىندە ۇلتتىق قاۋىپسىزدىك كوميتەتىنىڭ كوپتەگەن قىزمەتكەرلەرى، ونىڭ ىشىندە جوعارى بۋىن وكىلدەرى دە قاجەتتى جاۋاپكەرشىلىك پەن دەربەستىك تانىتپادى. ونىڭ ۇستىنە ولاردىڭ كەيبىرەۋلەرى بىرقاتار قىلمىستارعا قاتىستى. قاتارىڭىزدى بەدەلىن تۇسىرگەن قىزمەتكەرلەردەن تازارتۋ ماقساتىندا جانە بولاشاقتا مۇنداي جاعدايلاردىڭ الدىن الۋ ءۇشىن ءسىزدىڭ بولىمشەڭىز قانداي شارالار قابىلدايدى؟» – دەپ ساۋال قويدى دەپۋتات مارات ءباشىموۆ.
ۇقك توراعاسىنىڭ ورىنباسارى مارات قالقاباەۆ قازىر ۇقك-ءنىڭ 11 قىزمەتكەرى قىلمىستىق جاۋاپكەرشىلىككە تارتىلىپ جاتقانىن، كەيبىر ىستەر بويىنشا تەرگەۋ اياقتالىپ قويعانىن ايتتى.
«سونىمەن قاتار، ۇقك قاڭتار وقيعاسى بويىنشا جەدەل تۇردە اۋقىمدى قىزمەتتىك تەكسەرۋ جۇرگىزدى. تارتىپتىك تالاپتارعا جانە قىزمەتتى اتقارۋ تارتىبىنە، ونىڭ ىشىندە لاۋازىمدى تۇلعالاردىڭ جاۋاپكەرشىلىگىنە ەلەۋلى وزگەرىستەر ەنگىزىلدى. ونىمەن قوسا وسى زاڭ جوباسىنا بىرقاتار تۇزەتۋلەر ەنگىزىلدى. ولار ءپاتريوتيزمدى تاربيەلەۋگە باعىتتالعان جانە ءاربىر شەنەۋنىكتىڭ ءىس-ارەكەتىنىڭ الگوريتمىندە»، - دەپ جاۋاپ بەردى قولقاباەۆ.
"ادىرنا" ۇلتتىق پورتالى
