Májilistiń jalpy otyrysynda UQK tóraǵasynyń orynbasary Marat Qalqabaevqa qańtar oqıǵasynan keıin shenderdi tazartý týraly suraq qoıyldy, - dep habarlaıdy "Adyrna".
"Ótken jyldyń qańtar aıyndaǵy qaıǵyly oqıǵa kezinde Ulttyq qaýipsizdik komıtetiniń kóptegen qyzmetkerleri, onyń ishinde joǵary býyn ókilderi de qajetti jaýapkershilik pen derbestik tanytpady. Onyń ústine olardyń keıbireýleri birqatar qylmystarǵa qatysty. Qataryńyzdy bedelin túsirgen qyzmetkerlerden tazartý maqsatynda jáne bolashaqta mundaı jaǵdaılardyń aldyn alý úshin sizdiń bólimsheńiz qandaı sharalar qabyldaıdy?» – dep saýal qoıdy depýtat Marat Báshimov.
UQK tóraǵasynyń orynbasary Marat Qalqabaev qazir UQK-niń 11 qyzmetkeri qylmystyq jaýapkershilikke tartylyp jatqanyn, keıbir ister boıynsha tergeý aıaqtalyp qoıǵanyn aıtty.
«Sonymen qatar, UQK qańtar oqıǵasy boıynsha jedel túrde aýqymdy qyzmettik tekserý júrgizdi. Tártiptik talaptarǵa jáne qyzmetti atqarý tártibine, onyń ishinde laýazymdy tulǵalardyń jaýapkershiligine eleýli ózgerister engizildi. Onymen qosa osy zań jobasyna birqatar túzetýler engizildi. Olar patrıotızmdi tárbıeleýge baǵyttalǵan jáne árbir sheneýniktiń is-áreketiniń algorıtminde», - dep jaýap berdi Qolqabaev.
"Adyrna" ulttyq portaly
