بىرنەشە حالىقارالىق بايقاۋلاردا جوعارعى ماراپاتقا يە بولعان "شاڭىراقتىڭ يەسىن ىزدەپ ءجۇرمىن" اتتى انيماتسيالىق ءفيلمىنىڭ تۋىندىگەرلەرى ارنايى كىتاپ شىعارىپ جاتىر. بالالار الەمىن باقىتقا بولەۋشىلەردىڭ ايتۋىنشا، كىتاپتىڭ تۇساۋكەسەرى تۇركيانىڭ ىستامبۇل قالاسىندا وتپەك، دەپ حابارلايدى "ادىرنا" ۇلتتىق پورتالى.
30 مينۋتتىق "شاڭىراقتىڭ يەسىن ىزدەپ ءجۇرمىن" انيماتسيالىق ءفيلمىنىڭ اۆتورلارى ءۇمىت جۇبانىشەۆا مەن قىزى جۇبانىش-نەمەرەسى مارجان كىتابىنىڭ تانىستىرىلىمى تۇركيادا وتپەك. يگىلىكتى ءىس-شارانى وسى جىلدىڭ كۇزىندە وتكىزۋ جوسپارلانعان.
جەڭىسكە باستاعان انيماتسيالىق تۋىندىنىڭ اۆتورى ءۇمىت جۇبانىشەۆا – قازاقستاندىق سۋرەتشى، بەزەندىرۋشى. تۋىندى توكيوداعى حالىقارالىق فەستيۆالدە ۇزدىك انيماتسياسى ءۇشىن التىن مەدال جەڭىپ العان بولاتىن. كوركەم ءونىمدى ءۇمىت جۇباشوۆا قىزى مارجان جۇبانىشپەن بىرىگىپ، جەكە شەبەرحاناسىندا جاساپ شىققان، وسى ءفيلمنىڭ ستسەناريىن جازىپ، ءوزى قويۋشى-سۋرەتشىسى بولعان.
سۋرەتشىنىڭ ايتۋىنشا، بۇل شىعارما ونىڭ جەكە تاعدىرىمەن دە بايلانىستى. قازاق تۋىندىگەرلەرىنىڭ تاباندىلىعى مەن تالانتىنا ءتانتى بولعان جاپوندىقتار ارنايى Tokyo Anime Award Festival 2023-كە باستى قوناق رەتىندە شاقىرادى. سونىمەن قاتار، جاپون رەجيسسەرلەرىنە شەبەرلىك ءدارىسىن وقۋىن وتىنگەن.
شىعارماشىل وتباسى مۇشەلەرى قازىر تىڭ تولعام، جاڭا كىتاپ شىعارۋ ىسىمەن اينالىسىپ جاتىر. كىتاپتىڭ تۇساۋكەسەر ءراسىمى وسى جىلدىڭ كۇزىندە ىستامبۇل قالاسىندا وتەدى دەپ جوسپارلانعان.
"ادىرنا" ۇلتتىق پورتالى
