"كۇتىپ شارشادىق". ورالدا كاسىپكەرلەر ءوز قاراجاتىنا جول جوندەدى

2079
Adyrna.kz Telegram
https://adyrna.kz/content/uploads/2023/06/izobrazhenie_2023-06-05_090659527.png
ورالدىق كاسىپكەرلەر قالانىڭ ورتالىق كوشەلەرىنىڭ بىرىنە ءوز كۇشتەرىمەن اسفالت توسەدى. جىلدار وتە جولدىڭ توزىعى جەتىپ، جولدى جوندەۋ تۋرالى وتىنىشتەر نازارسىز قالدى، - دەپ حابارلايدى "ادىرنا" ءتىلشىسى حابار 24 ارناسىنا سىلتەمە جاساپ. ورتالىق بازار اۋدانىنداعى احميروۆا كوشەسى تۇرعىندارى ۇزاق جىلدار بويى اكىمدىكتىڭ تابالدىرىعىن توزدىرعانىمەن، جەرگىلىكتى بيلىك تاراپىنان جولدى جوندەۋ، ودان كەيىن سالۋ جۇمىستارى بەلگىسىز مەرزىمگە ۇزدىكسىز كەيىنگە شەگەرىلىپ وتىرعان. سودان كەيىن ايماق تۇرعىندارى ماسەلەنى ءوز قولدارىنا الۋعا بەكىنگەن. "بۇعان دەيىن 20 جىل بويى جول سالىنباعان بولاتىن. كولى وتە المايتىن. بارلىق كورشىلەرمەن جينالىپ، جول جاسادىق. كورشى كوشەدەگى كورشىلەرىمىز دە جينالىپ، كومەكتەستى. شامامەن 12 ادام جۇمىلدىق. ءبارى ءارتۇرلى ۇلەس قوستى، كەيبىرى 500, بىرەۋ 900, بىرەۋ تاراتۋ ارقىلى، كەرەك سوما جينالدى»، - دەيدى كاسىپكەر ارتۋر تاسبولاتوۆ. قالالىق ءماسليحات دەپۋتاتتارى پروبلەمالىق سالاعا نازار اۋداردى. "جىل سايىن قۇرىلىس ماتەريالدارى قىمباتتاپ جاتقانىن ءبارى بىلەدى، بىراق سوعان قاراماستان جەرگىلىكتى كاسىپكەرلەر قاجەتتى سومانى جيناپ، جول توسەپ، يگى ءىس جاسادى. وزدەرىنە دە، وسى كوشەنىڭ تۇرعىندارىنا جاقسى بولدى. بارلىق جۇمىس قا 10 ميلليون تەڭگە كەتكەن»، - دەدى قالالىق ءماسليحات دەپۋتاتى نۇرگۇل اشىقوۆا. وبلىس ورتالىعىندا جەرگىلىكتى بيلىكتىڭ مالىمەتىنشە، جولداردىڭ 25 پايىزىندا اسفالت توسەلمەگەن.

"ادىرنا" ۇلتتىق پورتالى

پىكىرلەر