تالدىقورعان قالالىق ءبىلىم ءبولىمىنىڭ بۇرىنعى باسشىسى روزا بارمانوۆانىڭ ءمايىتى قاراتال وزەنىنەن تابىلدى، دەپ حابارلايدى “ادىرنا” ۇلتتىق پورتالى.
ماۋسىمنىڭ ايىنىڭ 11-ءى كۇنى جەرگىلىكتى بالىقشىلار قاراتال وزەنىنەن ايەلدىڭ دەنەسىن تاۋىپ الىپ، پوليتسيا قىزمەتكەرلەرىنە حابار بەرگەن.
وقيعا ورنىنا جەتكەن پوليتسەيلەر مارقۇمنىڭ تۇلعاسىن انىقتادى. زەرتتەۋ ناتيجەسى بويىنشا ءمايىت تالدىقورعان قالالىق ءبىلىم ءبولىمىنىڭ بۇرىنعى باسشىسى روزا بارمانوۆاعا تيەسىلى بولىپ شىقتى. تەكسەرۋدەن كەيىن ايەلدىڭ دەنەسى ءولىم سەبەبىن انىقتاۋ ءۇشىن قالالىق مايىتحاناعا جەتكىزىلدى.
«قاراتال وزەنىنىڭ ماڭىندا زورلىق-زومبىلىقپەن ءولىمنىڭ سىرتقى بەلگىلەرى جوق ايەلدىڭ دەنەسى تابىلدى. فاكتى قالالىق ىشكى ىستەر ورگاندارىندا ءتيىستى تەكسەرۋلەر ۇيىمداستىرۋمەن رەسمي تىركەلدى. سوت-مەديتسينالىق ساراپتاما تاعايىندالدى، ول ءولىمنىڭ سەبەبىن انىقتاۋى كەرەك»، - دەپ حابارلادى تالدىقورعان پد.
ايتا كەتپيىك، روزا بارمانوۆا 2016-2022 جىلدار ارالىعىندا تالدىقورعان قالاسىنىڭ ءبىلىم ءبولىمىن باسقارعان بولاتىن. الايدا، ونىڭ ورنىنا كەلگەن جاندوس جولدىحانوۆ 280 ميلليون تەڭگە پارا الدى دەگەن كۇدىككە ىلىنگەن. ءدال قازىر ول سوت شەشىمىمەن قاماۋدا وتىر.
ۇقساس جاڭالىقتار
