Taldyqorǧan qalalyq bılım bölımınıŋ būrynǧy basşysy Roza Barmanovanyŋ mäiıtı Qaratal özenınen tabyldy, dep habarlaidy “Adyrna” ūlttyq portaly.
Mausymnyŋ aiynyŋ 11-ı künı jergılıktı balyqşylar Qaratal özenınen äieldıŋ denesın tauyp alyp, polisiia qyzmetkerlerıne habar bergen.
Oqiǧa ornyna jetken poliseiler marqūmnyŋ tūlǧasyn anyqtady. Zertteu nätijesı boiynşa mäiıt Taldyqorǧan qalalyq bılım bölımınıŋ būrynǧy basşysy Roza Barmanovaǧa tiesılı bolyp şyqty. Tekseruden keiın äieldıŋ denesı ölım sebebın anyqtau üşın qalalyq mäiıthanaǧa jetkızıldı.
«Qaratal özenınıŋ maŋynda zorlyq-zombylyqpen ölımnıŋ
syrtqy belgılerı joq äieldıŋ denesı tabyldy. Faktı qalalyq ışkı ıster organdarynda tiıstı tekseruler ūiymdastyrumen resmi tırkeldı. Sot-medisinalyq saraptama taǧaiyndaldy, ol ölımnıŋ sebebın anyqtauy kerek», - dep habarlady Taldyqorǧan PD.
Aita ketpiık, Roza Barmanova 2016-2022 jyldar aralyǧynda Taldyqorǧan qalasynyŋ bılım bölımın basqarǧan bolatyn. Alaida, onyŋ ornyna kelgen Jandos Joldyhanov 280 million teŋge para aldy degen küdıkke ılıngen. Däl qazır ol sot şeşımımen qamauda otyr.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz