مۇستافا شوقاي زيراتى تۋرالى تۇسىنىك بەرىلدى

جەلىدە جىلبەك كەرىمبەك اتتى ازامات مۇستافا شوقايدىڭ بەرليندەگى مازارى بۇزىلعالى جاتقانىن ايتىپ، الاش ارىسىنىڭ بەيىتىنىڭ ۆيدەوسىن جاريالاعان بولاتىن. بۇل جونىندە Ulysmedia.kz تىلشىسى ءمان-جايدى ءبىلۋ ءۇشىن قر سىرتقى ىستەر مينيسترلىگىنە حابارلاستى، دەپ حابارلايدى “ادىرنا” ۇلتتىق پورتالى

ءسىم رەسمي وكىلى  ايبەك سمادياروۆ اقپاراتتى جوققا شىعاردى.

زيرات ورنىندا، ەشكىم وعان تيىسكەن جوق. ەلشىلىكتىڭ قىزمەتكەرى بارىپ تاعى دا تەكسەرىپ قايتتى، زيراتتىڭ باسشىلىعىمەن سويلەستى، – دەپ جاۋاپ بەردى ول.

بۇعان دەيىن جەلىدە مۇستافا شوقايدىڭ بەيىتىن قازاقستانعا الىپ كەتۋدى وتىنگەن ۆيدەو جاريالانعان ەدى.

تەز ارادا سۇيەگىن تۇركىستانعا جەتكىزىپ، جەرلەۋ كەرەك. مۇستافانىڭ بار ارمان-دەرتى تۇركىستان مەملەكەتىن قۇرۋ ەدى. سوندىقتان تۇركىستاندا جاتقانى ءجون. ءۇن قوسايىق، اعايىن، – دەلىنگەن جەلىدەگى جازبادا.

ودان بولەك، ول جەردە بولىپ، قۇران باعىشتاعاندار دا تابىلدى.

ول جەردە مۇستافادان باسقادا 2-3 قازاق جەرلەنگەن، ەكىنشى دۇنيە جۇزىلىك سوعىس قۇرباندارى.وسىدان 20 جىل بۇرىن مەن بولعانمىن ول جەردە، قۇران باعىشتاپ قايتىپ ەدىم ول مارقۇمدارعا، - دەيدى تاعى ءبىر قولدانۋشى.