ايتۋىنشا، ساۋران اۋداندىق ىشكى ساياسات ءبولىمى پرينتەردىڭ 5 داناسىن 44 642 855 تەڭگەگە ساتىپ الۋدى جوسپارلاعان.
«ياعني ءبىر پرينتەردىڭ قۇنى 8 928 571 تەڭگە بولعان. ال، تۇركىستان وبلىستىق اكىمدىگىنىڭ باسقارماسى اجەتحانا تازالاعىش قۇرالىنىڭ 150 داناسىن 7 657 950 تەڭگەگە الماق بولعان. بۇدان بولەك، ورداباسى اۋداندىق تۇرعىن-ءۇي، كوممۋنالدىق شارۋاشىلىق، اۆتوموبيل جولدارى جانە جولاۋشىلار كولىگى ينسپەكتسياسىنىڭ «تەميرلان بلاگوۋسترويستۆو» كوممۋنالدىق مەملەكەتتىك مەكەمەسى ءبىر ايالدامانى سالۋ ءۇشىن 17 857 140 تەڭگە جۇمساۋدى كوزدەگەن. سونداي-اق، قر توتەنشە جاعدايلار مينيسترلىگى مەملەكەتتىك ماتەريالدىق رەزەرۆتەر كوميتەتىنىڭ «رەزەرۆ» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى 493 توننا جازدىق ديزەل وتىنىنىڭ 1 ءليترىن – 276 تەڭگەگە (جازدىق ديزەل وتىنى ليترىنە – 230 تەڭگە) باعالاعان. ديزەل وتىنىن جالپى 25 470 395 تەڭگەگە ساتىپ الۋدى جوسپارلاعان»،- دەيدى نۇرداۋلەت سامەت.
كەيىن دەپارتامەنت تاراپىنان جولدانعان ۇسىنىس حاتتاردان كەيىن اسىرا جوسپارلانعان باعا قايتا قارالعان.
ايتا كەتەيىك، وتكەن جىلى وڭىردە مەملەكەتتىك ساتىپ الۋ جۇيەسىنە جۇرگىزىلگەن مونيتورينگ ناتيجەسىندە 522 039 999 تەڭگە ۇنەمدەلگەن ەدى.
”ادىرنا” ۇلتتىق پورتالى
