Túrkistan sheneýnikteri 1 prınterdi 9 mln teńgeden satyp almaq bolǵan

3794
Adyrna.kz Telegram
Foto: cnews.ru
Foto: cnews.ru
Túrkistan oblysynda memlekettik satyp alý salasyna júrgizilgen monıtorıng nátıjesinde 103 mln teńge únemdelgen. Bul týraly óńirdiń sybaılas jemqorlyqqa qarsy is-qımyl departamentinde ótken baspasóz jıynynda aıtyldy, dep habarlaıdy “Adyrna”.
Brıfıngte departament basshysynyń birinshi orynbasary Nurdáýlet Sámet «Biryńǵaı satyp alý terezesi» veb-portalynyń aqparatyn taldaý arqyly memleket qarajatyn tıimsiz maqsatta jumsaýǵa nıettengen mekemelerdi atap ótti.

Aıtýynsha, Saýran aýdandyq ishki saıasat bólimi prınterdiń 5 danasyn 44 642 855 teńgege satyp alýdy josparlaǵan.

«Iaǵnı bir prınterdiń quny 8 928 571 teńge bolǵan. Al, Túrkistan oblystyq ákimdiginiń basqarmasy ájethana tazalaǵysh quralynyń 150 danasyn 7 657 950 teńgege almaq bolǵan. Budan bólek, Ordabasy aýdandyq turǵyn-úı, kommýnaldyq sharýashylyq, avtomobıl joldary jáne jolaýshylar kóligi ınspekııasynyń «Temırlan blagoýstroıstvo» kommýnaldyq memlekettik mekemesi bir aıaldamany salý úshin 17 857 140 teńge jumsaýdy kózdegen. Sondaı-aq, QR Tótenshe jaǵdaılar mınıstrligi memlekettik materıaldyq rezervter komıtetiniń «Rezerv» sharýashylyq júrgizý quqyǵyndaǵy respýblıkalyq memlekettik kásiporny 493 tonna jazdyq dızel otynynyń 1 lıtrin – 276 teńgege (jazdyq dızel otyny lıtrine – 230 teńge) baǵalaǵan. Dızel otynyn jalpy 25 470 395 teńgege satyp alýdy josparlaǵan»,- deıdi Nurdáýlet Sámet.

Keıin departament tarapynan joldanǵan usynys hattardan keıin asyra josparlanǵan baǵa qaıta qaralǵan.

Aıta keteıik, ótken jyly óńirde memlekettik satyp alý júıesine júrgizilgen monıtorıng nátıjesinde 522 039 999 teńge únemdelgen edi.

”Adyrna” ulttyq portaly

Pikirler