رەسەي باسشىسى ۆلاديمير پۋتين تاكتيكالىق يادرولىق قارۋدىڭ العاشقى پارتياسى بەلارۋسكە جەتكىزىلگەنىن مالىمدەدى. بۇل جونىندە تاسس اگەنتتىگى حابارلادى، دەپ جازدى "ادىرنا" ۇلتتىق پورتالى.
بۇعان دەيىن رەسەي يادرولىق قارۋىن بەلارۋسكە ورنالاستىرسا دا، ونى قولدانۋ تۋرالى شەشىمدى ماسكەۋ ءوزى قابىلدايدى دەگەن.
مامىردىڭ سوڭىندا ەكى جاق ءتيىستى قۇجاتتارعا قول قويعان.
13 ماۋسىمدا لۋكاشەنكو بەلارۋس رەسەيلىك تاكتيكالىق يادرولىق قارۋدى الا باستادى دەپ ايتقان. ونىڭ سوزىنشە، كەيبىرى اقش-تىڭ حيروسيما جانە ناگاساكيدە قولدانعان بومباسىنان ء"ۇش ەسە قۋاتتى". ول سول كەزدە پۋتيننەن ء"جاي عانا سۇراماعانىن", بەلارۋستىڭ تاكتيكالىق يادرولىق قارۋىن قايتارۋدى "تالاپ ەتكەنىن" ايتقان.
ۋكراينانىڭ ۇلتتىق قاۋىپسىزدىك جانە قورعانىس كەڭەسىنىڭ حاتشىسى الەكسەي دانيلوۆ ءپۋتيننىڭ بەلارۋسكە تاكتيكالىق يادرولىق قارۋ ورنالاستىرۋى – ەلدىڭ ىشىندەگى جاعدايدى تۇراقسىزداندىرۋعا باعىتتالعان قادام دەپ ايتقان. ونىڭ پىكىرىنشە، بۇل بەلورۋس قوعامىندا رەسەي مەن پۋتينگە قاتىستى تەرىس كوزقاراستىڭ قالىپتاسۋىنا ىقپال ەتەدى. "كرەمل بەلارۋستى يادرولىق كەپىلدىككە الدى" دەدى دانيلوۆ. ۋكراينا پرەزيدەنتى كەڭسەسىنىڭ وكىلى ميحايل پودولياك ماسكەۋ ۋكرايناداعى سوعىستا جەڭىلىسكە ۇشىرايتىنىن تۇسىنگەندىكتەن وسىنداي قادامعا بارىپ وتىر دەدى.
"تاكتيكالىق قارۋدىڭ ءبىر بولىگىن بەلارۋس ايماعىنا ورناتامىز. العاشقى يادرولىق زاريادتار بەلارۋسكە جەتكىزىلىپ تە قويدى. جازدىڭ سوڭىنا دەيىن جۇمىستى تولىق بىتىرەمىز", - دەدى پۋتين.ازاتتىق راديوسىنىڭ جازۋىنشا, 9 ماۋسىمدا بەلارۋستىڭ اۆتوريتار باسشىسى الەكساندر لۋكاشەنكومەن كەزدەسۋ كەزىندە پۋتين رەسەيلىك تاكتيكالىق يادرولىق قارۋلار بەلارۋسكە 2023 جىلدىڭ شىلدە ايىندا ورنالاستىرىلا باستايتىنىن ايتقان. ونىڭ سوزىنشە، تاكتيكالىق يادرولىق قارۋ ساقتاۋعا ارنالعان جابدىقتار 7-8 شىلدەدە دايىن بولادى. ىزىنشە رەسەي جاعى يادرولىق قارۋدى تاسىمالداي باستايدى. ناۋرىز ايىندا پۋتين رەسەي بەلارۋستە تاكتيكالىق يادرولىق قارۋىن ورنالاستىرادى دەپ مالىمدەگەن. بۇعان قوسا، بەلارۋسكە "يسكاندەر" راكەتا كەشەنى بەرىلگەنى ايتىلعان. رەسەي جاعىنىڭ ايتۋىنشا، "يسكاندەر-م" زىمىرانىن بالليستيكالىق زىمىران رەتىندە دە، "قاناتتى زىمىران" رەتىندە دە، ياعني يادرولىق قارۋ اتۋعا دا پايدالانۋعا بولادى. رەسەي قورعانىس ءمينيسترى سەرگەي شويگۋ
ۇقساس جاڭالىقتار
"ادىرنا" ۇلتتىق پورتالى