الەۋمەتتىك جەلىدە اقمولا وبلىسى جارقايىڭ اۋدانىنىڭ ورتالىعى دەرجاۆينسك قالاسىنىڭ "كەنەسارى" بولىپ اۋىسقانى جايلى ايتىلا باستادى، دەپ حابارلايدى "ادىرنا" ۇلتتىق پورتالى.
دەرجاۆينسك - اقمولا وبلىسى جارقايىڭ اۋدانىنىڭ ورتالىعى، ارقا وڭىرىندەگى ءىرى قالالاردىڭ ءبىرى. ەسىل وزەنىنىڭ اڭعارىندا قىمتانىپ جاتقان قالانىڭ تاريحى تەرەڭ. ىرگەسى 1956 جىلى قالانعانى ايتىلادى.
سوڭعى جىلدارى الەۋمەتتىك جەلى قولدانۋشىلارى، قوعامدىق-cاياسي بەلسەندىلەر مەن قازاق ءتىلدى ورتا قازاقستانداعى جەر-cۋ اتاۋلارىن قازاقشالاۋدى وقتىن-وقتىن ماسەلە رەتىندە بيلىكتىڭ الدىنا قويادى. الەۋمەتتىك جەلىدە دەرجاۆينسك قالاسىنىڭ اتاۋى "كەنەسارى" بولىپ وزگەرتىلگەنى ايتىلا باستادى. بۇل اقپاراتقا قاتىستى تاراعان ۆيدەودا قالا تۇرعىندارىنىڭ پىكىر ءبىلدىرىپ، داۋىسقا سالعانىن بايقاۋعا بولادى.
اقپاراتقا قاتىستى الەۋمەتتىك جەلى قولدانۋشىسى، قوعامدىق پىكىر جەتەكشىسى بۋراحان داقانوۆ بىلاي دەيدى:
- دەرجاۆينسك دەگەن اقمولا وبلىسىنداعى قالانى كەنەسارى دەپ وزگەرتكەن ەرلەر نەتكەن باقىتتى. ريزا بولىپ وتىرمىن. بارىمىزگە جۇعىستى بولسىن. ەستۋىم بويىنشا زالدا وتىرعان ءبىرشاما وزگە ۇلت وكىلدەرى دە قالانىڭ اتى كەنەسارى بولسىن دەپ داۋىس بەرىپتى. بۇل سول جەردەگى يدەالوگيا ءبولىمىنىڭ جاقسى جۇمىس جاساعانى، جەرگىلىكتى جىگىتتەردىڭ قايسارلىعى دەپ بىلەم. جارايسىڭدار كەنەسارى قالاسىنىڭ تۇرعىندارى، - دەپ جازدى اۆتور.
تاعى ءبىر الەۋمەتتىك جەلى قولدانۋشىسى تويعان جولداسقىزى:
- اقمولا وبلىسىنداعى دەرجاۆينسك قالاسى كەنەسارى حان بولىپ وزگەرتىلدى. قۇتتى بولسىن، قازاق ەلى، - دەپ سۇيىنشىلەدى.
ورايى كەلگەندە ايتا كەتەيىك، دەرجاۆينسك قالاسىنىڭ اتاۋىن قايتا اتاۋ تۋرالى جيىندا 325 ادام تىركەلگەن. ونىڭ 321-ءى داۋىس بەرگەن. اتاپ ايتقاندا، قالاعا قازاقى اتاۋدىڭ بەرىلۋىن 192 تۇرعىن قۇپتاعان. 125 تۇرعىن قارسى شىققان.
"ادىرنا" ۇلتتىق پورتالى
ۇقساس جاڭالىقتار
كەنەسارى حان
اقمولا وبلىسى
وتارلاندىرۋ ساياساتى
قازاقىلاندىرۋ ساياساتى
قالا اتاۋلارى
كوشە اتاۋلارى
جەر سۋ اتاۋلارى
