Äleumettık jelıde Aqmola oblysy Jarqaiyŋ audanynyŋ ortalyǧy Derjavinsk qalasynyŋ "Kenesary" bolyp auysqany jaily aityla bastady, dep habarlaidy "Adyrna" ūlttyq portaly.
Derjavinsk - Aqmola oblysy Jarqaiyŋ audanynyŋ ortalyǧy, Arqa öŋırındegı ırı qalalardyŋ bırı. Esıl özenınıŋ aŋǧarynda qymtanyp jatqan qalanyŋ tarihy tereŋ. Irgesı 1956 jyly qalanǧany aitylady.
Soŋǧy jyldary äleumettık jelı qoldanuşylary, qoǧamdyq-caiasi belsendıler men qazaq tıldı orta Qazaqstandaǧy jer-cu ataularyn qazaqşalaudy oqtyn-oqtyn mäsele retınde bilıktıŋ aldyna qoiady. Äleumettık jelıde Derjavinsk qalasynyŋ atauy "Kenesary" bolyp özgertılgenı aityla bastady. Būl aqparatqa qatysty taraǧan videoda qala tūrǧyndarynyŋ pıkır bıldırıp, dauysqa salǧanyn baiqauǧa bolady.
Aqparatqa qatysty äleumettık jelı qoldanuşysy, qoǧamdyq pıkır jetekşısı Burahan Daqanov bylai deidı:
- Derjavinsk degen Aqmola oblysyndaǧy qalany Kenesary dep özgertken erler netken baqytty. Riza bolyp otyrmyn. Bärımızge jūǧysty bolsyn. Estuım boiynşa zalda otyrǧan bırşama özge ūlt ökılderı de qalanyŋ aty Kenesary bolsyn dep dauys berıptı. Būl sol jerdegı idealogiia bölımınıŋ jaqsy jūmys jasaǧany, jergılıktı jıgıtterdıŋ qaisarlyǧy dep bılem. Jaraisyŋdar Kenesary qalasynyŋ tūrǧyndary, - dep jazdy avtor.
Taǧy bır äleumettık jelı qoldanuşysy Toiǧan Joldasqyzy:
- Aqmola oblysyndaǧy Derjavinsk qalasy Kenesary han bolyp özgertıldı. Qūtty bolsyn, Qazaq elı, - dep süiınşıledı.
Oraiy kelgende aita keteiık, Derjavinsk qalasynyŋ atauyn qaita atau turaly jiynda 325 adam tırkelgen. Onyŋ 321-ı dauys bergen. Atap aitqanda, qalaǧa qazaqy ataudyŋ berıluın 192 tūrǧyn qūptaǧan. 125 tūrǧyn qarsy şyqqan.
"Adyrna" ūlttyq portaly
Ūqsas jaŋalyqtar
Kenesary han
Aqmola oblysy
otarlandyru saiasaty
qazaqylandyru saiasaty
qala ataulary
köşe ataulary
jer su ataulary
