Kökşetauda Mediasiia künıne orai Aqmola oblysy Mediasiia keŋesınıŋ keŋeitılgen otyrysy öttı. Jiynda mediasiianyŋ qoǧamdaǧy rölı, daulardy beibıt jolmen şeşu jäne etnosaralyq kelısımdı nyǧaitu mäselelerı talqylandy.
Jiyndy aşqan «Qoǧamdyq kelısım» KMM basşysy Quanyş Şaqşaqov mediasiianyŋ qoǧam tūraqtylyǧyn qamtamasyz etudegı maŋyzyn atap öttı. Onyŋ aituynşa, kelısım – köpetnosty qoǧamdaǧy senım men özara qūrmettıŋ negızı.
Aqmola oblysy ışkı saiasat basqarmasy basşysynyŋ orynbasary Sabyrhan Kenjebaev mediasiiany tek daudy şeşu qūraly emes, qoǧamdaǧy qarym-qatynasty retteitın maŋyzdy tetık retınde baǧalady. Onyŋ sözınşe, daudy uşyqtyrmai, der kezınde şeşu – örkeniettı qoǧamnyŋ belgısı.
Keŋes töraǧasy Gülnar Mädieva öŋırdegı mediasiia jūmysyna toqtaldy. Qazırgı taŋda oblysta 18 mediasiia alaŋy jūmys ısteidı. Onda 10 mediator, onyŋ ışınde 6 käsıbi jäne 4 qoǧamdyq mediator qyzmet körsetedı.
Jyl boiy «Eldesu jäne tıldesu» jobasy aiasynda käsıporyndar men bılım beru ūiymdarynda kezdesuler ötkızılgen. Atap aitqanda, «Kazrost Engineering Ltd», «Gormolzavod», «Qazpoşta» siiaqty ūiymdarda kelısım mädenietın nasihattauǧa baǧyttalǧan şaralar ūiymdastyrylǧan.
Keŋes müşelerı Gerihan Iаndiev, Qanat Şegetaev, Gülmira Eşanova mediasiianyŋ qylmystyq ısterden bastap atqaruşylyq öndırıs kezeŋıne deiın qoldanylyp jatqanyn atap öttı. Sondai-aq olar etnosaralyq qatynastardaǧy tüsınıspeuşılıkterdıŋ aldyn aluda mediasiianyŋ rölı joǧary ekenın jetkızdı.
Aqsaqaldar keŋesınıŋ müşesı Bolat Zäkenov kelısım mädenietın qalyptastyru qoǧam üşın maŋyzdy mındet ekenın aitty. Onyŋ pıkırınşe, tüsınıstık – tūraqtylyqtyŋ negızı.
Jiyn qorytyndysynda mediasiia institutyn damytu jäne aldyn alu jūmystaryn küşeitu boiynşa ūsynystar aityldy.
Sarapşylardyŋ pıkırınşe, bügıngı qoǧamda mediasiia tek qūqyqtyq qūral emes, ol – qoǧamdyq kelısımdı nyǧaitudyŋ tiımdı täsılı. Sebebı qazırgı uaqytta qoǧamǧa eŋ qajettısı – dau emes, dialog.
