Aqmola oblysynda turizm salasy soŋǧy jyldary tūraqty ösım traektoriiasyna tüstı. Ötken jyldyŋ qorytyndysy jäne biylǧy jyldyŋ bırınşı toqsanyndaǧy öŋırdıŋ turistık äleuetı tek ışkı sūranys esebınen ǧana emes, halyqaralyq deŋgeide de keŋeiıp kele jatqanyn aiǧaqtaidy. Saladaǧy jüielı jūmystar, infraqūrylymdyq serpılıs pen investisiialyq belsendılık öŋırdı el turizmınıŋ negızgı tırekterınıŋ bırıne ainaldyryp otyr.
Turistık aǧyn – qarqyn üstınde
2025 jyldyŋ qorytyndysynda oblysqa kelgen turisterdıŋ jalpy sany 1 mln 623 myŋ adamǧa jettı. Onyŋ ışınde ornalastyru oryndarynda bır täulıkten astam toqtaǧan turister sany 530,4 myŋ adamdy qūrap, ötken jyldyŋ säikes kezeŋımen salystyrǧanda 26 paiyzǧa artty. Būl – öŋırdegı turistık qyzmet sapasynyŋ jaqsaryp, demaluşylardyŋ ūzaq merzımge kelu ürdısınıŋ qalyptasqanyn körsetedı.
Salystyrmaly türde alǧanda, 2022 jyly būl körsetkış 443,2 myŋ adam bolsa, 2023 jyly 504,5 myŋǧa deiın ösken. Demek, soŋǧy üş jylda turizm salasy kezeŋ-kezeŋımen ılgerılep, tūraqty ösım dinamikasyn qalyptastyrdy.
Qyzmet kölemı men salyq tüsımı artty
2025 jyldyŋ toǧyz aiynda ornalastyru oryndary körsetken qyzmet kölemı 26,3 mlrd teŋgege jetıp, ötken jyldyŋ säikes kezeŋınen 22 paiyzǧa joǧarylady. Būl ösım, eŋ aldymen, turister sanynyŋ artuymen jäne kurorttyq aimaqtardaǧy qyzmet qūnynyŋ ösuımen bailanysty.
Saladaǧy ekonomikalyq belsendılıktıŋ artuy biudjet kırısıne de oŋ äserın tigızdı. Atalǧan kezeŋde turizmnen tüsken salyq tüsımderı 3,1 mlrd teŋgenı qūrap, ötken jylmen salystyrǧanda 15 paiyzǧa köbeidı. Jalpy, soŋǧy jyldary būl körsetkış te tūraqty ösıp keledı: 2022 jyly – 2,7 mlrd teŋge, 2023 jyly – 3,5 mlrd, 2024 jyly – 4,5 mlrd teŋge.
Işkı turizm – negızgı qozǧauşy küş
Öŋırdegı turistık aǧymnyŋ 98 paiyzyn ışkı turizm qūraidy. Būl – Aqmola oblysynyŋ, äsırese, elordalyq aimaqqa jaqyn ornalasuynyŋ tiımdılıgın aiqyn körsetedı.
Turisterdıŋ negızgı legı Şuchinsk-Burabai kurorttyq aimaǧyna tiesılı. 2025 jyldyŋ toǧyz aiynda būl aumaqqa 1,4 mln-nan astam adam kelgen. Onyŋ ışınde «Burabai» ūlttyq parkınıŋ özıne 1 mln-nan astam keluşı tırkelgen.
Sonymen qatar, şeteldık turister sany da ösım körsetude. 2025 jyldyŋ toǧyz aiynda öŋırge 19,6 myŋ şeteldık qonaq kelıp, ötken jylmen salystyrǧanda 27 paiyzǧa artqan. Negızgı turistık naryqtardy Resei, Qytai, Özbekstan, Germaniia, AQŞ, Ūlybritaniia, Türkiia jäne Ündıstan elderı qūraidy.
İnvestisiia – damudyŋ tıregı
2025 jyly turizm salasyna tartylǧan investisiia kölemı 35,2 mlrd teŋgege jetıp, ötken jylmen salystyrǧanda 42 paiyzǧa artty. Onyŋ ışınde 12,4 mlrd teŋge – jeke investisiialar.
Öŋırde bırqatar ırı jobalar jüzege asyryldy. Atap aitqanda, Makinsk qalasynda jaŋa qonaqüi keşenı salynsa, Burabai, Arşaly jäne Şortandy audandarynda demalys aimaqtary jaŋartylyp, qaita jaŋǧyrtyldy. Būl jobalar turisterge qolaily jaǧdai jasap qana qoimai, öŋır ekonomikasyna qosymşa serpın berıp otyr.
İnfraqūrylym jaŋaryp, turistık orta qalyptasuda
2025 jyly Burabai kurorttyq aimaǧynda auqymdy infraqūrylymdyq jūmystar jürgızıldı. Jaŋa baqylau alaŋdary salynyp, turistık soqpaqtar jaŋartyldy, velosiped joldary töseldı. Sonymen qatar, qoǧamdyq jaǧajailar, avtotūraqtar men sanitarlyq nysandar ıske qosyldy.
Elorda men Burabai arasyndaǧy jyldam elektr poiyzynyŋ ıske qosyluy turister aǧynyn arttyruǧa mümkındık berdı. Būdan bölek, alǧaş ret tıkūşaqpen ekskursiialyq turlar ūiymdastyryldy.
Zerendı aimaǧynda zamanaui vizit-ortalyqtyŋ qūrylysy bastaldy. Al elorda maŋynda ekoparkter qūru bastamasy qolǧa alynyp, būl joba turistık jüktemenı teŋgeruge baǧyttalǧan.
Halyqaralyq ılgerıletu jäne oqiǧalyq turizm
Öŋırdıŋ turistık äleuetın ılgerıletu maqsatynda 2025 jyly Aqmola oblysy halyqaralyq körmelerge qatysyp, şeteldık turoperatorlarǧa arnalǧan aqparattyq turlar ūiymdastyrdy. Nätijesınde myŋnan astam şeteldık turist arnaiy turpaketter arqyly öŋırge kelgen.
Jyl boiy 25 ırı ıs-şara ötkızılıp, olardyŋ qatarynda halyqaralyq festivalder men sporttyq jarystar bar. Būl şaralar öŋırdıŋ tanymaldylyǧyn arttyryp, oqiǧalyq turizmdı damytuǧa yqpal ettı.
2026 jyl: jaŋa belester men ırı jobalar
Aldaǧy kezeŋge qoiylǧan maqsattar da auqymdy. 2026 jyly turister sanyn 1,8 mln adamǧa jetkızu, onyŋ ışınde 650 myŋ turistı ornalastyru oryndarynda qabyldau josparlanyp otyr. Şeteldık turister sanyn 50 myŋǧa deiın arttyru közdelgen.
Burabai aimaǧynda halyqaralyq brendtermen bırlesken ırı qonaqüi jobalary jüzege asyrylmaq. Olardyŋ qatarynda älemdık jelılerge tiesılı qonaqüiler men demalys keşenderı bar. Sonymen bırge, jaŋa turistık marşruttar aşylyp, zamanaui vizit-ortalyqtar salynady.
Elorda maŋyndaǧy audandarda ekoturizm, agroturizm jäne demalys küngı turizm baǧyttary damytylyp, jaŋa turistık keŋıstıkter qalyptasady.
Tüiın
Jalpy alǧanda, Aqmola oblysynyŋ turizm salasy sapalyq jaŋa kezeŋge qadam basty deuge tolyq negız bar. İnfraqūrylymnyŋ jaŋaruy, investisiialyq tartymdylyqtyŋ artuy jäne jüielı memlekettık qoldau öŋırdı Ortalyq Aziiadaǧy jetekşı turistık baǧyttardyŋ bırıne ainaldyruǧa mümkındık beredı.
