Kökşetauda er adam öz büiregın satpaq bolǧan kezde ūstaldy, dep habarlaidy "Adyrna" ūlttyq portaly QazTAG-qa sıltep.
Aqmola oblysy polisiia departamentınıŋ mälımetınşe, ūiymdasqan qylmysqa qarsy küres basqarmasynyŋ qyzmetkerlerı 25 myŋ AQŞ dollaryna büirek satpaq bolǧan derektı anyqtaǧan. Er adam Almaty oblysynyŋ tūrǧyny ekenı anyqtaldy.
Tergeu materialdaryna säikes, küdıktı äleumettık jelılerde öz aǧzasyn satu turaly habarlandyru jariialaǧan. Būl jazbaǧa jedel qyzmetkerler nazar audaryp, arnaiy şaralar jürgızgen. Nätijesınde er adam Kökşetauda aqşa qarajatynyŋ bır bölıgın alu kezınde qolǧa tüstı.
Ūstalǧan kezde onyŋ janynan aqşa, ūialy telefon, sondai-aq medisinalyq anyqtamalar men taldau nätijelerı tärkılengen. Polisiia mälımetınşe, küdıktı būǧan deiın de osyndai habarlandyrulardy bırneşe ret jariialaǧan.
Qazırgı uaqytta atalǧan derek boiynşa qylmystyq ıs qozǧalyp, barlyq män-jailar anyqtaluda.
Aita keteiık, Qazaqstanda adam aǧzalaryn satyp alu jäne satu zaŋmen tyiym salynǧan.
Türkıstan qalasynyŋ tūrǧyny büiregın 13 mln teŋgege satpaq bolǧan.
