18 qazan tünı Kökşetau qalasynda patruldık polisiia qyzmetkerlerı düken maŋynan şyqqan BMW markaly avtokölıktı baiqap, jürgızuşınıŋ küdıktı äreketıne nazar audarǧan. Poliseiler toqtau turaly belgı bergen, alaida jürgızuşı būl talapty elemei, oqiǧa ornynan qaşyp ketuge tyrysqan, dep habarlaidy “Adyrna”.
Kölık iesı joǧary jyldamdyqpen kele jatyp rölge ie bola almai, jol jiegındegı metall qorşauǧa soǧylǧan. Abyroi bolǧanda, eşkım zardap şekpegen.
Tekseru kezınde jürgızuşınıŋ ortaşa därejede mas bolǧany anyqtaldy. Sonymen qatar, ol būǧan deiın de däl osyndai qūqyq būzuşylyq jasap, ekı jyl būryn jürgızuşı kuälıgınen aiyrylǧany belgılı boldy.
Qazırgı uaqytta atalǧan derek boiynşa sotqa deiıngı tergeu bastaldy. Saraptama qorytyndysy jürgızuşınıŋ mas küide bolǧanyn rastady.
Polisiia departamentı azamattardy mas küide kölık jürgızbeuge şaqyrady. Būl — tek äkımşılık emes, qylmystyq jauapkerşılıkke äkep soǧatyn auyr qūqyq būzuşylyq.
