Aqmola oblysynda eresekterdiń qaraýynsyz qalǵan eki balaǵa ys tıip qaıtys boldy. Bul týraly Aqmola oblysy TJD baspasóz qyzmeti málim etti, dep habarlaıdy “Adyrna” ulttyq portaly.
“Búgin, 11 tamyzda Jaqsy aýdanynyń Jańa Qıma kentinde eki páterli turǵyn úı tútindegen. Qaraýsyz qalǵan 2019 jáne 2017 jylǵy týǵan eki balanyń sirińkemen oınaýlary nátıjesinde jıhaz órtenip ketken. Tútindi kórgen kórshi terezeni syndyryp, balalardy taza aýaǵa shyǵaryp, órt sóndirýshilerdi shaqyrǵan. Órt sóndirý qyzmeti oqıǵa ornyna 5 mınýt ishinde jetti”, delingen habarlamada.
Tútinnen ýlanǵan balalar Qıma aýyldyq aýrýhanasyna dereý jetkizilip, medıınalyq mekemede esterin jımastan kóz jumdy.
Qaıǵyly oqıǵa kezinde balalardyń ákesi jumysta bolǵandyǵy, al anasy az ýaqytqa dúkenge ketkendigi belgili boldy. Órttiń aldyn ala sebebi – balalardyń otpen oınaýy.
Shaqyrý ornyna Jaqsy aýdanynyń 13-ÓSB janyndaǵy Jańa Qıma aýylynyń 28-ÓP órt sóndirý bóliminen 3 adam jáne bir birlik tehnıka shyqty.
“Adyrna” ulttyq portaly
