Qyzylordalyq ört söndıruşıler ekı kışkentai bala men olardyŋ anasyn örtenıp jatqan päterden alyp şyqty, dep habarlaidy "Adyrna" ūlttyq portaly.
Oblystyq tötenşe jaǧdailar departamentınıŋ baspasöz qyzmetınıŋ habarlauynşa, oqiǧa 12 qaŋtarda bolǧan. «Saǧat 21:40-ta «112» qūtqaru qyzmetıne oblys ortalyǧy, Tasböget kentındegı Nauryz köşesındegı ekı qabatty tūrǧyn üidıŋ ekınşı qabatyndaǧy päterde ört şyqqany turaly habarlama kelıp tüsken. As üide tūrmystyq zattar janyp, sonyŋ saldarynan kıreberıs tolyǧymen tütındegen. Ört söndıruşıler päterden 2021 jäne 2023 jyly tuǧan balalardy tauyp, anasymen bırge syrtqa şyǧaryp, jedel medisinalyq järdem brigadasyna tapsyrdy», - dep habarlady departamenttıŋ baspasöz qyzmetı. Ört 21:58-de tolyǧymen söndırıldı. Örttıŋ sebebı – elektr toǧynyŋ qysqa tūiyqtaluy. «Ört saldarynan qaza tapqandar men zardap şekkender joq, örttı söndıruge №4 ört söndıru beketınıŋ 23 qyzmetkerı, kezekşı ört söndıru qyzmetı jäne arnaiy qyzmet tehnikalaryn jūmyldyryldy», - dep habarlady TJD."Adyrna" ūlttyq portaly
Ūqsas jaŋalyqtar
