Astanada Tóle bı kóshesindegi 16-shy úıden órt shyqty.Bul týraly TJM baspasóz qyzmeti málimdedi, dep habarlaıdy “Adyrna” ulttyq portaly.
Vedomstvo atap ótkendeı, turǵyn úıdiń shatyry órtengen.
«Saǵat 14:05-te Astana qalasy Tótenshe jaǵdaılar departamentiniń órt sóndirý bólimsheleri Tóle bı kóshesi 16 mekenjaıyndaǵy jańa ǵımarattan tútin kóringeni týraly aqparat tústi. Kelgen kezde jańadan salynǵan 17 qabatty turǵyn úı kesheniniń shatyrynda 10 sharshy metr aýmaqta shatyr materıaly men oqshaýlaǵysh materıal (mıneraldy maqta) janyp jatqany anyqtaldy. Saǵat 14.24-te órt oqshaýlanyp, saǵat 14:29-da órt tolyq sóndirildi. Órttiń aldyn ala sebebi - otpen jumys jasaý kezinde órt qaýipsizdigi erejeleriniń buzylýy», - delingen habarlamada.
