Elordadaǧy bırneşe köpqabatty üidıŋ tūrǧyndary 6 mausym künı keşkısın üilerıne su berudı talap etıp köşege şyqty. Būl turaly jergılıktı jūrtşylyq habarlady, dep habarlaidy "Adyrna" portaly.
Äkımdık būl jaǧdaiǧa ün qosyp, qūrylys jürgızıp jatqan Sat NS tūrǧyn üi keşenınıŋ su jelılerın «Astana su arnasy» serıktestıgıne älı bermegenın aitty.
«Qazır qūrylys kompaniiasyna su qūbyry jelılerın jalǧau boiynşa qosymşa jūmystardy jürgızu qajet. Jūmystar 1-2 kün ışınde jürgızıledı dep josparlanuda», - delıngen äkımdık habarlamasynda.
Būl mäselenı Almaty audanynyŋ äkımı men Astana su arnasynyŋ ökılderı öz baqylauyna alǧany naqtylandy.
Sonymen qatar, elorda äkımı Jeŋıs Qasymbek astanalyqtarǧa qaladaǧy auyz su tapşylyǧy turaly videoündeu joldaǧan bolatyn. Äkım aldaǧy aptada Astana su qoimasynan su qūbyry salynyp bıtetının, būl auyz sudyŋ şekteluıne äkeletenın aitty. Ol tamyz aiynda qalaǧa täulıgıne qosymşa 85 myŋ tekşe metr su keletının de eske saldy.
Posmotret etu publikasiiu v Instagram
Ūqsas jaŋalyqtar
