Qazaqstan halqy assambleiasynyŋ XXXIV sessiiasynyŋ plenarlyq otyrysynda prezident Qasym-Jomart Toqaev memlekettık tıldıŋ märtebesı jaily söz qozǧady. Būl turaly Aqorda jazdy, dep habarlaidy “Adyrna” ūlttyq portaly.
«Bügınde tülekterdıŋ 80 paiyzǧa juyǧy Ūlttyq bıryŋǧai testıleudı memlekettık tılde tapsyrady. Biyl alǧaş ret mektepke baratyn balalardyŋ 70 paiyzdan astamy qazaq tılınde oqityn bolady. Ärine, elımızde azamattar bır-bırın nemese mınberde söilep tūrǧan adamdy «myna tılde söile» dep mäjbürlemeuge tiıs. Tıl mäselesın tu etıp qoǧamda alauyzdyq tuǧyzǧysy keletın, el ışındegı jaǧdaidy şielenıstıruge ūmtylatyn ärbır äreketke tosqauyl qoiylyp, zaŋ jüzınde jazalanady. Būl rette üi ışındegı ǧana emes, şetelde otyryp äldebır ūiymdardyŋ aqşasy men tapsyrmasyna destruktivtı äreketpen ainalysatyn arandatuşylar turaly da aityp otyrmyz», - dedı Toqaev.
Onyŋ aituynşa, byltyr Ūlttyq qūryltai otyrysynda bırlık, otanşyldyq, täuelsızdık jäne kelısım memleketımızdıŋ negızgı qūndylyqtary retınde atalǧan edı.
«Bärı de osy qūndylyqtardan bastalady. Sondyqtan osy jerde taǧy da qaitalap aitqym keledı: halqymyzdyŋ tatulyǧyn būzyp, el ışıne ırıtkı salǧysy keletınder zaŋǧa säikes qataŋ türde jauapqa tartylady, tiıstı jazasyn alady. Al yntymaq pen bırlıktı nyǧaituǧa üles qosqan azamattar ärdaiym zor qūrmetke ie bolady», - dedı ol.
