Aqmola poliseilerı habar-oşarsyz ketken Jylandy kentınıŋ tūrǧynyn ızdestırıp jatyr. Mälımetterge sai er adam psihiatrdyŋ esebınde tūrǧan dep habarlaidy. Būl turaly Polisia.kz jariialady, dep habarlaidy “Adyrna” ūlttyq portaly.
Säduaqasov Meirambek Sädıbekūly 18 aqpanda üiınen ketıp, oralmaǧan. 23 aqpanda Sandyqtau audany PB-nıŋ uchaskelık inspektoryna Jylandy kentınıŋ tūrǧyny ony ızdeuge järdem körsetu turaly ötınış bıldırgen.Mälımetterge sai er adam psihiatrdyŋ esebınde tūr. Būǧan deiın bırneşe ret üiden ketıp qalǧan eken.
Tūrǧynnyŋ belgılerı boiynşa boiy 160-165 sm, közderı qoŋyr, şaşy qysqa qara, aq şaştary bar. Basynda qara sporttyq bas kiım, üstınde jaryq şaǧylystyratyn jolaqty bar sūr tüstı kürte, qara tüstı jyly şalbar, qysqy qara aiaq kiım bolǧan.
“Jedel-ızdestıru ıs-şaralaryna audandyq PB-nıŋ 12 qyzmetkerı jūmyldyryldy, qarda jüretın 3 kölık, 4 bırlık qyzmettık avtokölık bölındı. Izdeuge 30-ǧa juyq jergılıktı tūrǧyndar, sondai-aq erıktıler qosyldy”, – dedı vedomstvo habarlamasynda.
M.S.Säduaqasovtyŋ ornalasqan jerı turaly aqparatqa ie adamdardyŋ barlyǧynan 8-771-297-95-58, 8(71640)9-22-87 nemese 102 telefondary boiynşa habarlaudy sūraimyz.
