مەملەكەت باسشىسى ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆانى قابىلدادى، دەپ حابارلايدى “ادىرنا” اقورداعا سىلتەپ.
ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا ءوز بايانداماسىندا:
- ورمان شارۋاشىلىعىن ماتەريالدىق-تەحنيكالىق تۇرعىدان جابدىقتاۋ ماسەلەسىن، سونىڭ ىشىندە تەحنيكا ساتىپ الۋ جانە ىقتيمال ورمان ءورتىن الدىن الا انىقتاۋ جۇيەلەرىن ورناتۋ بويىنشا قابىلدانىپ جاتقان شارالار جونىندە;
- تابيعاتتى قورعاۋ جانە ورمان شارۋاشىلىعى مەكەمەلەرىنە قاجەتتى ورتكە قارسى قۇرال-جابدىقتار مەن تەحنيكالاردىڭ ءتىزىمىن كەڭەيتۋ ءۇشىن تيەسىلى نورمالاردى جاڭارتۋ جۇمىستارى باستالعانىن;
- نەگىزگى وزەن باسسەيندەرىندەگى، اسىرەسە،ەلىمىزدىڭ وڭتۇستىك ايماقتارىنداعى سۋ تاپشىلىعى جاعدايىندا ۆەگەتاتسيالىق كەزەڭنىڭ قالىپتى ءوتۋى ءۇشىن قابىلدانىپ جاتقان شارالار جونىندە باياندادى.
پرەزيدەنت قاسىم-جومارت توقاەۆ قابىلداۋ بارىسىندا تابيعاتتى قورعاۋ بولىمشەلەرىنىڭ ماتەريالدىق-تەحنيكالىق بازاسىن كۇشەيتۋ ءىسىن كەشەندى تۇردە جۇزەگە اسىرۋ ماڭىزدى ەكەنىن اتاپ ءوتتى.
ۇقساس جاڭالىقتار
