بۇگىن پارلامەنت پالاتالارىنىڭ بىرلەسكەن وتىرىسى ءوتىپ، وندا سەگىزىنشى سايلانعان پارلامەنتتىڭ ءبىرىنشى سەسسياسى رەسمي تۇردە جابىلدى، دەپ حابارلايدى «ادىرنا» ءتىلشىسى.
دەپۋتاتتار بيىلعى 1 قىركۇيەككە دەيىن پارلامەنتتىك كانيكۋل دەپ جاريالاناتىنى تۋرالى ارنايى قاۋلى قابىلدادى.
«حالىق قالاۋلىلارىنىڭ جاڭا تولقىنى كەلدى. ۇزاق ۋاقىتتان كەيىن العاش رەت ءماجىلىس دەپۋتاتتارى ءبىر مانداتتى وكرۋگتەردەن سايلاندى. ايەلدەردىڭ، ەرەكشە قاجەتتىلىكتەرى بار جانداردىڭ جانە جاستاردىڭ سانى ارتتى. سەگىزىنشى شاقىرىلىمدى بارلىق شاقىرىلىمنىڭ ىشىندەگى ەڭ جاس پارلامەنت دەپ اتاۋعا ابدەن بولادى»، - دەدى ءماجىلىس توراعاسى ەرلان قوشانوۆ.
ايتا كەتەيىك، ءماجىلىس دەپۋتاتتارى ءوز جۇمىسىن بيىلعى جىلدىڭ ءساۋىر ايىندا باستادى.
