ەلەكتر قۋاتىنىڭ بەرىلمەۋىنە بايلانىستى "وزەنمۇنايعازداعى" 3 مىڭنان استام كەنىش پەن پلاست قىسىمىن قامتاماسىز ەتۋشى قۇرىلعىلار جۇمىسى توقتادى، دەپ حابارلايدى "ادىرنا" ۇلتتىق پورتالى lada.kz سايتىنا سىلتەمە جاساپ.
مۇنايشىلار بۇل جاعدايدىڭ ءبىرىنشى كەزەكتە جالاقىعا اسەر ەتۋى مۇمكىن ەكەنىن ايتىپ، الاڭداتىپ وتىر.
بولعان جاعدايعا بايلانىستى كومپانيا وكىلدەرى پىكىر ءبىلدىردى.
«وزەنمۇنايگاز» اكتسيونەرلىك قوعامى وكىلدەرىنىڭ حابارلاۋىنشا، جۇمىس 4-ءشى تامىزدان باستاپ توقتادى. باستى سەبەپ – ەلەكتر قۋاتىنىڭ جەتىسپەۋشىلىگى. جۇمىس توقتاسا، كەلەسى ايدا جالىقىمىزعا اسەر ەتەدى دەپ جۇمىسشىلار الاڭداپ وتىر".«وزەنمۇنايگاز» اق-نىڭ وكىلدەرى ماڭعىستاۋ اتوم ەنەرگەتيكالىق كومبيناتىنىڭ جۇمىسىندا دا قيىندىقتار بار ەكەنىن ايتتى. 3 شىلدە كۇنى اۆتوماتتى جيىلىك جەڭىلدەتكىشى ىسكە قوسىلىپ، ناسوس ستانتسياسىنىڭ 30 قۇرىلعىسىنىڭ جۇمىسى توقتادى. ەنەرگيا تاراتۋشى ۇيىمنىڭ ەلەكتر قۋاتىنا شەكتەۋ ەنگىزىلدى. بارلىعى 3784 ءوندىرۋشى كەنىش پەن پلاست قىسىمىن قولداۋشى 36 قۇرىلعىنىڭ جۇمىسى توقتاتىلدى. ەسكە سالا كەتەيىك،بۇعان دەيىن «قازمۇنايگاز» ۇلتتىق كومپانياسىنىڭ ارنايى توبى «وزەنمۇنايگاز» كومپانياسىنا تەكسەرۋ جۇرگىزگەن ەدى. تەكسەرىس بارىسىندا «وزەنمۇنايگازدىڭ» قارجى-شارۋاشىلىق قىزمەتىندە 160 زاڭ بۇزۋشىلىق انىقتالعانىن جازعان ەدىك.
"ادىرنا" ۇلتتىق پورتالى
ۇقساس جاڭالىقتار
