پرەزيدەنت قاسىم-جومارت توقاەۆ اباي كۇنىنە وراي قازاقستان حالقىن قۇتتىقتادى. بۇل تۋرالى ول ءوزىنىڭ Twitter پاراقشاسىندا قۇتتىقتاۋ جاريالادى، دەپ حابارلايدى “ادىرنا” ۇلتتىق پورتالى.
بارشاڭىزدى اباي كۇنىمەن قۇتتىقتايمىن! حاكىم اباي – ۇلت رۋحانياتىن دامىتۋعا ولشەۋسىز ۇلەس قوسقان كەمەڭگەر. ۇلاعاتتى ۇرپاق تاربيەلەۋ ىسىندە اباي وسيەتىنىڭ ماڭىزى زور. ادال ازامات ۇعىمى ۇلى اقىننىڭ «تولىق ادام» تۇجىرىمىنان باستاۋ الادى. ءبىز اباي مۇراسىن ناسيحاتتاۋدى جالعاستىرا بەرەمىز، – دەپ جازدى مەملەكەت باسشىسى.
ايتا كەتەيىك، 2020 جىلدىڭ 4 تامىزىندا ۇكىمەتتىڭ ارنايى قاۋلىسى شىعىپ، «قازاقستانداعى مەرەكەلىك كۇندەردىڭ قاتارى «10 تامىز - اباي كۇنى» دەگەن تارماقپەن تولىقتىرىلعان بولاتىن.
ەسكە سالايىق، مەملەكەت باسشىسى قاسىم-جومارت توقاەۆ بيىل تۇركىستىستاندا وتكەن ۇلتتىق قۇرىلتايدىڭ «ادىلەتتى قازاقستان – ادال ازامات» اتتى ەكىنشى وتىرىسىن وتكىزگەن بولاتىن.
وندا توقاەۆ اباي وبلىسىندا بولعان الاپات ءورتتىڭ اۋىر قازاعا اكەلگەنىن ەسكە الىپ، ءبىز مۇنداي وقيعادان ساباق الۋىمىز كەرەگىن، ناقتى شەشىمدەر قابىلداۋىمىز قاجەتىن ايتقان بولاتىن. سونداي-اق، وبلىستاردى كوركەيتۋگە كوڭىل ءبولۋدى تاپسىرعان ەدى.
