ماسكەۋدەگى وقيعادان سوڭ. قازاقستاندا قاۋىپسىزدىك كەڭەسىنىڭ جيىنى وتپەك

پرەزيدەنت توقاەۆ كروكۋس سيتي حوللداعى تەراكتىدەن كەيىن قاۋىپسىزدىك كەڭەسىنىڭ وتىرىسىن وتكىزەدى، - دەپ حابارلايدى “ادىرنا” ۇلتتىق پورتالى اقوردانىڭ ءباسپاسوز قىزمەتىنە سىلتەمە جاساپ. «بۇگىن مەملەكەت باسشىسى قاسىم-جومارت توقاەۆ رەسەيدەگى لاڭكەستىك وقيعاعا بايلانىستى قابىلداناتىن شارالار تۋرالى قاۋىپسىزدىك كەڭەسىنىڭ مۇشەلەرىمەن جيىن وتكىزەدى»، - دەپ حابارلادى اقوردانىڭ ءباسپاسوز قىزمەتى. قاۋىپسىزدىك كەڭەسى – پرەزيدەنت قۇراتىن جانە قازاقستاننىڭ ۇلتتىق قاۋىپسىزدىگى مەن قورعانىس قابىلەتىن قامتاماسىز ەتۋ سالاسىنداعى بىرىڭعاي مەملەكەتتىك ساياساتتى ىسكە اسىرۋدى ۇيلەستىرەتىن كونستيتۋتسيالىق ورگان. قاۋىپسىزدىك كەڭەسىنىڭ توراعاسى – پرەزيدەنت. كەڭەستىڭ لاۋازىمى بويىنشا مۇشەلەرى: سەنات پەن ءماجىلىستىڭ توراعالارى، پرەمەر-مينيستر، پرەزيدەنت اكىمشىلىگىنىڭ باسشىسى، پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى، باس پروكۋرور، باسقارما باسشىسى. ۇلتتىق قاۋىپسىزدىك كوميتەتى، ازاماتتىق قورعانىس باستىعى، سىرتقى ىستەر ءمينيسترى، قورعانىس ءمينيسترى، ىشكى ىستەر مينيسترلىگىنىڭ باسشىسى.