قازاقستان پرەزيدەنتى بۇۇ باس اسسامبلەياسىنىڭ 77-ءشى سەسسياسىندا بۇۇ-نىڭ ورتالىق ازيا مەن اۋعانستانداعى وڭىرلىك ورتالىعىن قۇرۋدى ۇسىندى، دەپ حابارلايدى "ادىرنا" ءتىلشىسى.
ء"بىز الماتىدا ورتالىق ازيا مەن اۋعانستاندا تۇراقتى دامۋ ماقساتتارى بويىنشا بۇۇ وڭىرلىك ورتالىعىن قۇرۋ ماڭىزدى دەپ سانايمىز. قازاقستان اۋعانستاننىڭ بولاشاعىن كورشىلەرىمەن تاتۋ ءومىر سۇرەتىن ناعىز تاۋەلسىز، بەيتاراپ مەملەكەت رەتىندە كورەدى.قازاقستان بولاشاق اۋعانستاندى شىنىمەن تاۋەلسىز، بەيتاراپ، ءبىرتۇتاس، وركەندەگەن، كورشى ەلدەرمەن بەيبىت قارىم-قاتىناستى قولدايتىن مەملەكەت رەتىندە كورگىسى كەلەدى.سوندىقتان ءبىز وسى ەلدە مەملەكەتتىلىكتى قالىپتاستىرۋدىڭ كۇردەلى پروتسەسىن، ونىڭ ىشىندە ومىرلىك ماڭىزى بار گۋمانيتارلىق كومەك كورسەتۋدى قولدايمىز", - دەدى قاسىم-جومارت توقاەۆ.
الداعى ايلاردا قازاقستان ساۋدا تىزبەكتەرى مەن جەتكىزۋ تىزبەكتەرىندەگى ىركىلىستەر سالدارىنان تۋىنداعان ەنەرگيا رەسۋرستارىنا جانە سىني شيكىزاتقا شەكتەۋلى قول جەتكىزۋدىڭ دەرەۋ سالدارىن جۇمسارتۋعا كومەكتەسەدى.
