جامبىل وبلىسىنداعى «قازسۋشار» رمك فيليالى قىرعىز رەسپۋبليكاسىنىڭ سۋ شارۋاشىلىعى قىزمەتىنىڭ باسشىسى المازبەك سوكەەۆتىڭ قازاقستانعا سۋدىڭ جەتكىلىكسىز بەرىلەتىنى تۋرالى اقپاراتىن راستادى، دەپ حابارلايدى "ادىرنا" پورتالى.
«شىنىندا دا، تالاس وزەنىنىڭ سۋىنىڭ ازدىعىنا، سونداي-اق قالىپتاسقان جوسپاردان تىس ىستىق جانە قۇرعاق اۋا رايىنا بايلانىستى قازاقستانعا كيروۆ سۋ قويماسىنان كەلەتىن سۋ سۋارىلۋ ايماقتارىنا جەتكىلىكسىز بولدى. وسىعان بايلانىستى قازاقستانعا سۋ قويماسىنان سۋ جەتكىزۋدى 1 تامىزعا دەيىن سەكۋندىنا 45 تەكشە مەتر دەڭگەيىندە ساقتاۋ تۋرالى شەشىم قابىلداندى، ال تالاس بوگەتىنە سەكۋندىنا نەبارى 30 تەكشە مەتر سۋ جىبەرىلدى»، - دەپ حابارلادى قر ەكولوگيا مينيسترلىگىنىڭ ءباسپاسوز قىزمەتى.
اتاپ وتكەندەي، مۇنداي شارالار بايزاق، جامبىل جانە تالاس وبلىستارىندا 26 مىڭ گەكتارعا جۋىق اۋماقتا ەگىندى ساقتاپ قالۋعا مۇمكىندىك بەردى.
«قازىرگى ۋاقىتتا سۋارۋ جۇمىستارى تىكەلەي مەملەكەتتىك شەكارانىڭ بويىندا جامبىل وبلىسىنداعى «قازسۋشار» رمك فيليالى ارقىلى قىرعىزستان اۋماعىندا جۇرگىزەتىن درەناجدى تازالاۋ ارقىلى جۇرگىزىلۋدە. بۇل شارالار ەگىننىڭ شىعىنىن بارىنشا ازايتۋعا مۇمكىندىك بەردى. تۇتاستاي العاندا، توقتاپ تۇرعان القاپتارداعى سۋ تاپشىلىعىنان تالاس وزەنىنە كەلتىرىلگەن زالال شامامەن 560 گەكتاردى قۇرادى (شامامەن 26 مىڭ گەكتار اۋماققا كەلىسىم-شارت جاسالدى، ياعني ەگىننىڭ 99 پايىزىنا دەرلىك ۇنەمدەلدى)»، - دەلىنگەن حابارلامادا.
قىرعىزستان ەكولوگيا مينيسترلىگى «ءدال وسىنداي تاجىريبە 2021 جىلى دا بولعانىن، سودان كەيىن قىرعىز تاراپى اعىندى سۋمەن قامتاماسىز ەتۋ بويىنشا ءوز مىندەتتەمەلەرىن ورىنداعانىن جانە قازاقستان ايتارلىقتاي ەگىن شىعىنىنسىز قالدى» دەپ ءتۇسىندىردى.
“ادىرنا” ءتىلشىسى اتالعان جايتقا قاتىستى ەكولوگ ماماننىڭ پىكىرىن سۇرادى:
"قازاقستان سۋ قاجەتتىلىگى بويىنشا كورشى ەلدەرگە تاۋەلدى. سۋ تاپشىلىعى ەپوحاسىنا باياعىدان ەنىپ كەتكەنبىز. فەرمەرلىك جانە ەگىن شارۋاشىلىقتارى جاڭا تەحنولوگيانى قولدانىپ جاتقان جوق. بەي-بەرەكەت پادالانۋ بەلگىلەرى بارىن ءبارىمىز بىلەمىز. وسىعان سايكەس سۋ تاپشىلىعى ماسەلەسى بولاتىنى بەسەنەدەن بەلگىلى ەدى. الداعى 10 جىل قازاقستان ءۇشىن سۋ رەسۋرسى بويىنشا كاتاستروفاعا تولى كەزەڭ بولادى" دەپ پىكىر ءبىلدىردى قازاقستاندىق ەكولوگ تيمۋر ەلەۋسىزوۆ "ادىرنا" تىلشىسىنە.
