Jambyl oblysyndaǧy «Qazsuşar» RMK filialy Qyrǧyz Respublikasynyŋ Su şaruaşylyǧy qyzmetınıŋ basşysy Almazbek Sokeevtıŋ Qazaqstanǧa sudyŋ jetkılıksız berıletını turaly aqparatyn rastady, dep habarlaidy "Adyrna" portaly.
«Şynynda da, Talas özenınıŋ suynyŋ azdyǧyna, sondai-aq qalyptasqan jospardan tys ystyq jäne qūrǧaq aua raiyna bailanysty Qazaqstanǧa Kirov su qoimasynan keletın su suarylu aimaqtaryna jetkılıksız boldy. Osyǧan bailanysty Qazaqstanǧa su qoimasynan su jetkızudı 1 tamyzǧa deiın sekundyna 45 tekşe metr deŋgeiınde saqtau turaly şeşım qabyldandy, al Talas bögetıne sekundyna nebärı 30 tekşe metr su jıberıldı», - dep habarlady QR Ekologiia ministrlıgınıŋ baspasöz qyzmetı.
Atap ötkendei, mūndai şaralar Baizaq, Jambyl jäne Talas oblystarynda 26 myŋ gektarǧa juyq aumaqta egındı saqtap qaluǧa mümkındık berdı.
«Qazırgı uaqytta suaru jūmystary tıkelei memlekettık şekaranyŋ boiynda Jambyl oblysyndaǧy «Qazsuşar» RMK filialy arqyly Qyrǧyzstan aumaǧynda jürgızetın drenajdy tazalau arqyly jürgızılude. Būl şaralar egınnıŋ şyǧynyn barynşa azaituǧa mümkındık berdı. Tūtastai alǧanda, toqtap tūrǧan alqaptardaǧy su tapşylyǧynan Talas özenıne keltırılgen zalal şamamen 560 gektardy qūrady (şamamen 26 myŋ gektar aumaqqa kelısım-şart jasaldy, iaǧni egınnıŋ 99 paiyzyna derlık ünemdeldı)», - delıngen habarlamada.
Qyrǧyzstan Ekologiia ministrlıgı «däl osyndai täjıribe 2021 jyly da bolǧanyn, sodan keiın qyrǧyz tarapy aǧyndy sumen qamtamasyz etu boiynşa öz mındettemelerın oryndaǧanyn jäne Qazaqstan aitarlyqtai egın şyǧynynsyz qaldy» dep tüsındırdı.
“Adyrna” tılşısı atalǧan jaitqa qatysty ekolog mamannyŋ pıkırın sūrady:
"Qazaqstan su qajettılıgı boiynşa körşı elderge täueldı. Su tapşylyǧy epohasyna baiaǧydan enıp ketkenbız. Fermerlık jäne egın şaruaşylyqtary jaŋa tehnologiiany qoldanyp jatqan joq. Bei-bereket padalanu belgılerı baryn bärımız bılemız. Osyǧan säikes su tapşylyǧy mäselesı bolatyny beseneden belgılı edı. Aldaǧy 10 jyl Qazaqstan üşın su resursy boiynşa katastrofaǧa toly kezeŋ bolady" dep pıkır bıldırdı qazaqstandyq ekolog Timur Eleusızov "Adyrna" tılşısıne.
