Qazaqstan eń arzan benzıni bar elderdiń tizimine endi. Elimizde janarmaı quny álemdik ortasha kórsetkishten úsh esege arzan. Bul týraly “Adyrna” ulttyq portaly GlobalPetrolPrices saıtyna silteme jasap habarlaıdy.
Dúnıe júzinde benzınniń ortasha baǵasy lıtrine 1,32 dollardy quraıdy. Ártúrli elder arasynda benzın baǵasynyń aıtarlyqtaı aıyrmashylyǵy bar. Portaldyń málimetinshe, ádette baı elderde baǵa joǵary bolsa, kedeı elder men munaı óndirip, eksporttaýshy elderde baǵa aıtarlyqtaı tómendegen. Jalǵyz erekshelik AQSh - benzınniń salystyrmaly túrde tómen quny bar ekonomıkalyq damyǵan el.
Ár eldegi baǵanyń aıyrmashylyǵy benzınge salyqtar men sýbsıdııalardyń ártúrli bolýyna baılanysty. Maqala avtory barlyq elder munaıdyń halyqaralyq naryqta birdeı qunyna qol jetkize alatynyn, biraq ártúrli salyq salatynyn atap ótti. Sonyń saldarynan benzın baǵasy da ózgerip otyrady.
Eń arzan benzın, sarapshylardyń pikirinshe, Venesýelada satylady jáne lıtri $0,025 (shamamen 12 teńge) turady. Odan keıin Lıvııa, Iran, Sırııa, Aljır, Angola jáne Kýveıt tur.
Bir lıtriniń quny 0,393 dollardy quraıtyn Qazaqstan reıtıngte segizinshi orynda tur. Bul sarapshylardyń esepteýinshe, shamamen 199 teńge.
Reseı 11-shi orynda. Ondaǵy janarmaı quny $0,431, ıaǵnı 218 teńge. Saýd Arabııasynda (19-oryn) benzın 0,621 dollardan (314 teńge) satylýda.
Sarapshylardyń pikirinshe, eń qymbat benzın Gonkongta $2,879 (1457 teńge), Monakoda $2,477 (1253 teńge) jáne Nıderlandyda $2,432 (1230 teńge) turady.
“Adyrna» ulttyq portaly
