شاحتاداعى ءورت. توقاەۆ شەتەلدىك كومپانيا مىندەتتەمەلەرىن ورەسكەل بۇزعانىن ايتتى

1918
Adyrna.kz Telegram
https://adyrna.kz/content/uploads/2023/08/c1b79f2e-45ac-4756-9105-867e800c6d80.jpeg

مەملەكەت باسشىسى قاسىم-جومارت توقاەۆ «قازاقستان» شاحتاسىندا بولعان ورتكە  بايلانىستى ۇكىمەتكە جانە قاراعاندى وبلىسىنىڭ اكىمدىگىنە اپات سەبەپتەرىنە جان-جاقتى تەرگەۋ جۇرگىزۋ، سونداي-اق زارداپ شەككەندەرگە قاجەت بارلىق كومەكتى كورسەتۋ جونىندە تاپسىرما بەردى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.

سونداي-اق، ۇكىمەتكە وسى كاسىپورىنعا يەلىك ەتەتىن شەتەلدىك كومپانيامەن جۇمىسشىلاردىڭ قاۋىپسىزدىگىن مۇلتىكسىز قامتاماسىز ەتۋ جونىندە  كەلىسسوزدەر جۇرگىزۋ تاپسىرىلدى.

شەتەلدىك كومپانياعا تيەسىلى كاسىپورىنداردا ءجيى قايتالاناتىن اپاتتار ولاردىڭ ينۆەستيتسيالىق جانە وزگە دە مىندەتتەمەلەرىن ورەسكەل بۇزعانىن كورسەتەدى. اتالعان جاعدايلار ولاردىڭ قازاقستان نارىعىندا

قىزمەت ەتۋىنە قاتىستى شەشىم شىعارۋعا ىقپال ەتەدى، دەلىنگەن حابارلامادا.

ال ArcelorMittal كومپانياسىنىڭ باسشىسى لاكشمي ميتتال ءالى ءۇنسىز.

ايتا كەتەيىك، 17 تامىز كۇنى ساعات 10:05-تە «ارسەلورميتتال تەمىرتاۋ» اق كومىر دەپارتامەنتىنە قاراستى «كازاحستانسكايا» شاحتاسىندا ءورت شىققان بولاتىن. بارلىعى شاحتادا 227 ادام بولعان. ونىڭ 222-ءسى جەر بەتىنە شىعارىلسا، بەسەۋى جەر استىندا قالدى.

كەيىن، شاحتادان قازا تاپقان ەكى ادامنىڭ دەنەسى تابىلعانى تۋرالى اقپاراتتى وبلىس اكىمدىگى راستاعان ەدى.

تاعى 3 كەنشىنى ىزدەۋ جالعاسۋدا.

پىكىرلەر