Memleket basşysy Qasym-Jomart Toqaev «Qazaqstan» şahtasynda bolǧan örtke bailanysty Ükımetke jäne Qaraǧandy oblysynyŋ äkımdıgıne apat sebepterıne jan-jaqty tergeu jürgızu, sondai-aq zardap şekkenderge qajet barlyq kömektı körsetu jönınde tapsyrma berdı. Būl turaly Aqorda mälımdedı, dep habarlaidy “Adyrna” ūlttyq portaly.
Sondai-aq, Ükımetke osy käsıporynǧa ielık etetın şeteldık kompaniiamen jūmysşylardyŋ qauıpsızdıgın mültıksız qamtamasyz etu jönınde kelıssözder jürgızu tapsyryldy.
Şeteldık kompaniiaǧa tiesılı käsıporyndarda jiı qaitalanatyn apattar olardyŋ investisiialyq jäne özge de mındettemelerın öreskel būzǧanyn körsetedı. Atalǧan jaǧdailar olardyŋ Qazaqstan naryǧynda qyzmet etuıne qatysty şeşım şyǧaruǧa yqpal etedı, delıngen habarlamada.
Al ArcelorMittal kompaniiasynyŋ basşysy Lakşmi Mittal älı ünsız.
Aita keteiık, 17 tamyz künı saǧat 10:05-te «ArselorMittal Temırtau» AQ kömır departamentıne qarasty «Kazahstanskaia» şahtasynda ört şyqqan bolatyn. Barlyǧy şahtada 227 adam bolǧan. Onyŋ 222-sı jer betıne şyǧarylsa, beseuı jer astynda qaldy.
Keiın, şahtadan qaza tapqan ekı adamnyŋ denesı tabylǧany turaly aqparatty oblys äkımdıgı rastaǧan edı.
Taǧy 3 kenşını ızdeu jalǧasuda.
