Prezident Qasym-Jomart Toqaevtyŋ «Ana tili» gazetıne bergen sūhbaty jariialandy. Onda Memleket basşysy Qazaqstannyŋ eks-prezidentı Nūrsūltan Nazarbaevtyŋ bilıkten ketkennen keiıngı äreketı turaly aitty, dep habarlaidy “Adyrna” ūlttyq portaly.
“Kez kelgen däuırdıŋ jaqsy jaǧy da, köleŋkelı tūstary da bar. Bızdıŋ jaŋa tarihymyzda jarqyn sätter äldeqaida köp boldy. Būl – aqiqat. Salystyrmaly türde alǧanda, qysqa merzım ışınde memlekettıgımızdıŋ berık tūǧyry qalyptasty, bilık instituttary qūryldy, jaŋa astanamyz boi köterdı, şekaramyz şegendelıp, zaŋ jüzınde bekıtıldı. Köptegen elmen tiımdı qarym-qatynas ornatyldy, ekonomikaǧa şetelden investisiia tartyldy. Osy jetıstıktıŋ bärın joqqa şyǧaru dūrys bolmas edı. Bız ädılettı memleket qūramyz desek, tarihqa da, ony jasauǧa atsalysqan azamattarǧa da ädıl qarauymyz kerek. Mūnyŋ bärı, tüptep kelgende, ūlttyŋ bolaşaǧy üşın qajet. Ötkendı oi elegınen ötkızıp, ony ädıl ärı şynaiy baǧalai almasaq, alǧa senımmen qadam basa almaimyz. Saiasi ahualdyŋ yqpalymen öz tarihyŋdy köpe-körıneu būrmalai beruge bolmaidy. El şejıresın basynan bastap qaita jazu tıptı qauıptı”, - dedı Toqaev.
Prezidenttıŋ aituynşa, Nazarbaevtyŋ kezınde kemşılıkter bolǧan.
“Ärine, Nūrsūltan Nazarbaev ūzaq jyl boiy el tızgının ūstaǧan uaqytta kemşılıkter boldy. Bıraq eşteŋe ıstemegen adam ǧana qatelespeidı. Aşyǧyn aitu kerek, ol otstavkaǧa ketkenımen, Qauıpsızdık Keŋesınıŋ töraǧasy bolyp otyrǧan kezde saiasi sypaiylyqty saqtai bermeitın. Mūny da aita ketken jön. Ünemı Premer-Ministrdı, Ūlttyq banktıŋ töraǧasyn, ministrlerdı, äkımderdı şaqyryp alyp, jinalys ötkızetın. Būǧan öz azamattarymyzdy bylai qoiǧanda, şetel basşylary men diplomattary da taŋdana qaraityn. «Nazarbaev qyzmetınen ketken soŋ tıptı joǧarylady, endı Prezident te oǧan baǧynady» degen äzıl äŋgıme de paida boldy. Al, şyn mänınde, būl äzıldeitın jaǧdai emes edı.
Būl jaǧdai qosarlanǧan bilık turaly alyp qaşpa äŋgımenıŋ örşuıne äkep soqty. Şeneunıkter de kabinetten kabinetke jügırıp, kımnıŋ tapsyrmasyn oryndaitynyn bılmei dal bolatyn. Ol az deseŋız, keibır şeneunıkter «Elbasy instituty Prezident bilıgınen joǧary tūruǧa tiıs» dep, aqylǧa syimaityn jaǧdaidy zaŋ jüzınde negızdemek boldy, - deidı Memleket basşysy.
Sondai-aq Nazarbaevtyŋ Aqordaǧa qaityp keluı mümkın ekenın aitqany naǧyz bilık daǧdarysyn tuyndatqan.
Nūrsūltan Nazarbaevtyŋ 2021 jylǧy qaraşada ötken Astana Club jiynynda 92 jastaǧy Mahathir Mohamadty mysalǧa keltırıp, özınıŋ Aqordaǧa qaityp keluı mümkın ekenın mälımdeuın jäne būrynǧy prezidenttıŋ sol jyly jeltoqsan aiynda Sankt-Peterburg qalasynda ötken TMD elderınıŋ sammitıne qatysuyn naǧyz bilık daǧdarysyna äkep soqtyrǧan negızgı oqiǧalar deuge bolady. Sonyŋ aldynda ǧana jergılıktı bır saiasattanuşy oǧan «Elbasynyŋ altyn däuırın» qalpyna keltıru üşın batyl şaralar qabyldau qajettıgın aityp, arandatuşylyq mazmūndaǧy hat joldaǧan edı.
Alaida qazır parasattylyq tanytyp, Nūrsūltan Nazarbaevtyŋ Qazaqstanǧa sıŋırgen tarihi eŋbegın laiyqty baǧalau kerek. Men Prezident retınde memleket müddesın basşylyqqa aluǧa, el bırlıgın bärınen biık qoiuǧa mındettımın.
Sızdıŋ sūraǧyŋyzǧa kelsek, qazır bız şamamen aiyna bır ret telefon arqyly söilesıp tūramyz”, - dedı Memleket basşysy.
Prezidenttıŋ osydan bır jyl būryn da, 2024 jyly 3 qaŋtarda «Egemen Qazaqstan» gazetıne bergen kölemdı sūhbaty jariialanǧan. Sonda Prezident ışkı jäne syrtqy saiasat, eldıŋ äleumettık-ekonomikalyq damuy, 2022 jylǧy Qaŋtar oqiǧasy, tūrmystyq zorlyq-zombylyq, atom elektr stansiialarynyŋ qūrylysy jäne basqa da özektı taqyryptarǧa qatysty sūraqtarǧa jauap bergen edı.
Ūqsas jaŋalyqtar
