“11 ساعات وتىردىم”. شارىن شاتقالىندا جارتاستان رەسەي ازاماتى قۇلاپ كەتكەن

1903
Adyrna.kz Telegram
https://adyrna.kz/content/uploads/2023/08/b514ebcd-2c34-4ced-8918-6c8e284db14c.jpeg

الماتى وبلىسىنىڭ قۇتقارۋشىلارى شارىن شاتقالىندا جارتاستان قۇلاعان رەسەي ازاماتىن قۇتقاردى. بۇل تۋرالى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.

اقپارات بويىنشا، وقيعا بۇگىن، 20 تامىزدا بولعان.

تۇنگى ساعات 02.00-دەن باستاپ الماتى وبلىسى تجد جەدەل-قۇتقارۋ جاساعىنىڭ قۇتقارۋشىلارى 1990 جىلعى رەسەي ازاماتىن جارتاستان ەۆاكۋاتسيالادى. ايەل ۇيعىر اۋدانىندا شارىن شاتقالىنداعى (قىزىل جارتاستار) جارتاستان 500 مەتر قاشىقتىققا دومالاپ، وزدىگىنەن كوتەرىلە الماعان، - دەيدى ۆەدومستۆو.

رەسەيلىك شارىن شاتقالىنا 19 تامىز كەشكى التىلار شاماسىندا الماتىداعى دوستارىمەن

بىرگە كەلگەن.

جارتاستا 11 ساعات وتىردىم. قۇتقارۋ وپەراتسياسى دا بىرنەشە ساعاتقا سوزىلدى. ويتكەنى مەنى تابۋ وتە قيىن بولدى. مەن وتە جوعارى كوتەرىلىپ، ءساتسىز تۇسكەنمىن. جىگىتتەرگە العىس ايتامىن. ولار مەنى ارقانمەن ءتۇسىردى. بۇل ءۇشىن ولارعا ريزامىن. ايتپەسە، ول جەردەن ءوزىم شىعا الماس ەدىم، - دەدى قىز.

الماتى وبلىسى تجد قۇتقارۋشىلارى مەن تەحنيكاسىنىڭ كۇشىمەن ساعات 07:17-دە ايەل قۇتقارىلدى.

ايتا كەتەيىك، الماتى وبلىستىق تج دەپارتامەنتى ازاماتتاردى سەرۋەندەۋ كەزىندە قاۋىپسىزدىك شارالارىن ساقتاۋعا شاقىرادى.

پىكىرلەر