Almaty oblysynyŋ qūtqaruşylary Şaryn şatqalynda jartastan qūlaǧan Resei azamatyn qūtqardy. Būl turaly oblystyq tötenşe jaǧdailar departamentınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Aqparat boiynşa, oqiǧa bügın, 20 tamyzda bolǧan.
Tüngı saǧat 02.00-den bastap Almaty oblysy TJD jedel-qūtqaru jasaǧynyŋ qūtqaruşylary 1990 jylǧy Resei azamatyn jartastan evakuasiialady. Äiel Ūiǧyr audanynda Şaryn şatqalyndaǧy (Qyzyl jartastar) jartastan 500 metr qaşyqtyqqa domalap, özdıgınen köterıle almaǧan, - deidı vedomstvo.
Reseilık Şaryn şatqalyna 19 tamyz keşkı altylar şamasynda Almatydaǧy dostarymen bırge kelgen.
Jartasta 11 saǧat otyrdym. Qūtqaru operasiiasy da bırneşe saǧatqa sozyldy. Öitkenı menı tabu öte qiyn boldy. Men öte joǧary köterılıp, sätsız tüskenmın. Jıgıtterge alǧys aitamyn. Olar menı arqanmen tüsırdı. Būl üşın olarǧa rizamyn. Äitpese, ol jerden özım şyǧa almas edım, - dedı qyz.
Almaty oblysy TJD qūtqaruşylary men tehnikasynyŋ küşımen saǧat 07:17-de äiel qūtqaryldy.
Aita keteiık, Almaty oblystyq TJ departamentı azamattardy seruendeu kezınde qauıpsızdık şaralaryn saqtauǧa şaqyrady.
