ۆورونەجدە بالالاردان Z ءارپى بار پاتچتاردى جۇلىپ العان ۋكراينا بوسقىنى 12 كۇنگە قامالدى، دەپ حابارلايدى "ادىرنا" ۇلتتىق پورتالى.
ۆورونەجدەگى سوت 38 جاستاعى ۆلاديمير زاكليازمينسكيدى 12 تاۋلىككە قاماپ، 35 مىڭ رۋبل ايىپپۇل تاعايىندادى. ول ۋاقىتشا ورنالاستىرۋ پۋنكتىندەگى بالالاردان Z ءارپى مەن "ۆاگنەر" پمك ەمبلەماسى بار پاتچتاردى جۇلىپ العان. بۇل تۋرالى رەسەيدىڭ ءىىم ءباسپاسوز قىزمەتى حابارلادى.
زاكليازمينسكي كىشى بۇزاقىلىق جاساپ، ارميانىڭ "بەدەلىن ءتۇسىردى" دەگەن اكىمشىلىك باپتار بويىنشا كىنالى دەپ تانىلدى. رەسەيدىڭ ىشكى ىستەر مينيسترلىگى ونىڭ ارەكەتىن بالالارعا قوقان-لوقى كورسەتتى دەپ ايىپتادى.
زاكليازمينسكيدىڭ ۇستالعانى تۋرالى 19 تامىزدا بەلگىلى بولدى.
زيمەنكين ەر ادامنىڭ ۋكرايندىق بوسقىن ەكەنىن جانە اڭگىمەنىڭ ءوزى ۆورونەج وبلىسىنداعى ۋاقىتشا ورنالاستىرۋ پۋنكتىندە بولعانىن ايتتى. سونداي-اق، "رەن تۆ" قىزمەتكەرى پوليتسياعا باسقا بوسقىندار زاكليازمينسكيگە جازعان وتىنىشتەرىنىڭ سۋرەتىن جاريالادى. ولار ونىڭ ۋكراينانى قولدايتىن ۇراندارىن ايقايلادى دەپ مالىمدەدى.
"مەديازونا" پورتالىنىڭ حابارلاۋىنشا, بۇعان دەيىن زاكليازمينسكيگە ارميانىڭ" بەدەلىن ءتۇسىرۋ" ءىسى بويىنشا 30 مىڭ رۋبل ايىپپۇل سالىنعان.
"ادىرنا" ۇلتتىق پورتالى
ۇقساس جاڭالىقتار
