تۇرعىن ءۇي قۇرىلىسى تۇران، بوزارىق، اقجايىق شاعىناۋداندارىندا قارقىندى جۇرگىزىلۋدە

ەلىمىزدە باسپانانى قولجەتىمدى ەتۋ – جەرگىلىكتى اكىمدىك تاراپىنان جۇزەگە اسىرىلىپ جاتقان باستى ستراتەگيالىق جوسپارلاردىڭ ءبىرى. ەل پرەزيدەنتى قاسىم-جومارت توقاەۆ الەۋمەتتىك ءال-اۋقاتتىڭ تۇرعىن ءۇي ماسەلەسىمەن تىكەلەي بايلانىستى ەكەنىن جانە تۇرعىن ءۇي قۇرىلىسى الەۋمەتتىك ماسەلەلەردى شەشە وتىرىپ، ەكونوميكالىق ءوسىمنىڭ لوكوموتيۆى بولا الاتىنىن ايتقان بولاتىن. مەملەكەت باسشىسىنىڭ تاپسىرماسىنا سايكەس شىمكەنتتە سوڭعى جىلداردا ارنايى باعدارلامالار ەسەبىنەن كوپقاباتتى تۇرعىن ۇيلەردىڭ قۇرىلىسى قارقىندى جۇرگىزىلۋدە. ۇكىمەت قاۋلىسىمەن بەكىتىلگەن تۇرعىن ءۇي-كوممۋنالدىق ينفراقۇرىلىمدى دامىتۋدىڭ 2026 جىلعا دەيىنگى تۇجىرىمداماسى اياسىندا 2023 جىلى قۇرىلىس باسقارماسى تاراپىنان مەملەكەتتىك بيۋدجەتتەن 312,4 مىڭ شارشى مەتردى قۇرايتىن 4 090 پاتەرلى 98 كوپقاباتتى تۇرعىن ءۇيدىڭ قۇرىلىسىن جۇرگىزۋ جوسپارلانعان. بۇگىندە تۇران ىقشام اۋدانىندا 18 ءۇي، بوزارىق مولتەك اۋدانىندا 54 ءۇي، اقجايىق مولتەك اۋدانىندا 26 ءۇي سالىنۋدا. وندىرىستىك كەستەگە سايكەس 67 تۇرعىن ءۇيدىڭ قۇرىلىسى اياقتالىپ جىل سوڭىنا دەيىن ەل يگىلىگىنە پايدالانۋعا بەرىلەدى. ونىڭ 61-ءى كرەديتتىك، 6-ى ارەندالىق باسپانالار. بۇدان بولەك، جىل قورىتىندىسىمەن جۇمىس ىستەيتىن جاستارعا 900 پاتەردى جانە حالىقتىڭ الەۋمكەتتىك وسال توپتارىنا 505 پاتەردى نارىقتان ساتىپ الۋ جوسپارلانۋدا.