Tūrǧyn üi qūrylysy Tūran, Bozaryq, Aqjaiyq şaǧynaudandarynda qarqyndy jürgızılude

Elımızde baspanany qoljetımdı etu – jergılıktı äkımdık tarapynan jüzege asyrylyp jatqan basty strategiialyq josparlardyŋ bırı. El Prezidentı Qasym-Jomart Toqaev äleumettık äl-auqattyŋ tūrǧyn üi mäselesımen tıkelei bailanysty ekenın jäne tūrǧyn üi qūrylysy äleumettık mäselelerdı şeşe otyryp, ekonomikalyq ösımnıŋ lokomotivı bola alatynyn aitqan bolatyn. Memleket basşysynyŋ tapsyrmasyna säikes Şymkentte soŋǧy jyldarda arnaiy baǧdarlamalar esebınen köpqabatty tūrǧyn üilerdıŋ qūrylysy qarqyndy jürgızılude. Ükımet qaulysymen bekıtılgen Tūrǧyn üi-kommunaldyq infraqūrylymdy damytudyŋ 2026 jylǧa deiıngı tūjyrymdamasy aiasynda 2023 jyly qūrylys basqarmasy tarapynan memlekettık biudjetten 312,4 myŋ şarşy metrdı qūraityn 4 090 päterlı 98 köpqabatty tūrǧyn üidıŋ qūrylysyn jürgızu josparlanǧan. Bügınde Tūran yqşam audanynda 18 üi, Bozaryq möltek audanynda 54 üi, Aqjaiyq möltek audanynda 26 üi salynuda. Öndırıstık kestege säikes 67 tūrǧyn üidıŋ qūrylysy aiaqtalyp jyl soŋyna deiın el igılıgıne paidalanuǧa berıledı. Onyŋ 61-ı kredittık, 6-y arendalyq baspanalar. Būdan bölek, jyl qorytyndysymen jūmys ısteitın jastarǧa 900 päterdı jäne halyqtyŋ äleumkettık osal toptaryna 505 päterdı naryqtan satyp alu josparlanuda.