مەملەكەت باسشىسى قاسىم-جومارت توقاەۆ بىرقاتار اۋىس-ءتۇيىس جاسادى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.
«مەملەكەت باسشىسىنىڭ جارلىقتارىمەن:
ەرلان ساپارۇلى بايجانوۆ قازاقستان رەسپۋبليكاسىنىڭ بەلارۋس رەسپۋبليكاسىنداعى توتەنشە جانە وكىلەتتى ەلشىسى، تمد جارعىلىق ورگاندارىنىڭ جانىنداعى تۇراقتى وكىل قىزمەتىن قوسا اتقارۋشى بولىپ تاعايىندالدى، ول قازاقستان رەسپۋبليكاسىنىڭ ۆەتنام سوتسياليستىك رەسپۋبليكاسىنداعى توتەنشە جانە وكىلەتتى ەلشىسى، قازاقستان رەسپۋبليكاسىنىڭ كامبودجا كورولدىگىندەگى، لاوس حالىق دەموكراتيالىق رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى لاۋازىمدارىنان بوساتىلدى;
قانات قوبىلاندىۇلى تۋمىش قازاقستان رەسپۋبليكاسىنىڭ ۆەتنام سوتسياليستىك رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى، ول قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى لاۋازىمىنان بوساتىلدى;
اسقار اسانۇلى بەيسەنباەۆ قازاقستان رەسپۋبليكاسىنىڭ بەلارۋس رەسپۋبليكاسىنداعى توتەنشە جانە وكىلەتتى ەلشىسى، تمد جارعىلىق ورگاندارىنىڭ جانىنداعى تۇراقتى وكىل قىزمەتىن قوسا اتقارۋشى لاۋازىمدارىنان بوساتىلدى»،—دەلىنگەن حابارلامادا.
پرەزيدەنت سىرتقى ىستەر ءمينيسترىنىڭ ورىنباسارى الماس ايداروۆتى دا قىزمەتىنەن بوساتتى. ونىڭ ورنىنا بۇل قىزمەتكە الىبەك باقاەۆ پەن نازيرا نۇرباەۆا كەلدى.
