قازاقستاندا «جول ءجۇرىسى تۋرالى» زاڭعا ەنگىزىلگەن وزگەرىستەر كۇشىنە ەنىپ، سونىڭ ىشىندە ساموكات تەبۋشىلەرگە قاتىستى زاڭ قاتاڭداتىلدى، دەپ جازادى "ادىرنا".
«30 تامىزدا «جول ءجۇرىسى تۋرالى» زاڭعا جەكە ءموبيلدى قۇرالداردى، اتاپ ايتقاندا، ەلەكتر سكۋتەرلەرىن جۇرگىزۋشىلەرگە قاتىستى تۇزەتۋلەر كۇشىنە ەنەدى»، - دەپ حابارلادى ىشكى ىستەر مينيسترلىگى Telegram-داعى جاڭالىقتار ارناسىندا.
قر "جول قوزعالىسى تۋرالى" زاڭعا ەنگىزىلگەن تۇزەتۋلەرگە سايكەس ءبىلۋىمىز كەرەك ەرەجەلەر:
- ەلەكترلى ساموكاتتاردى تەك ۆەلوسيپەد ايداۋشىلار جولىمەن ايداۋعا رۇقسات;
- ءجۇرىس بولىگىنىڭ وڭ جاق شەتىنە، ونىڭ ىشىندە مارشرۋتتىق كولىكتەرگە ارنالعان جولاق بويىمەن ءبىر قاتاردا 25 كم/ساع جىلدامدىقپەن ءجۇرۋ مىندەت;
- تروتۋار، جول جيەگى جانە جاياۋ جۇرگىنشىلەر جولىمەن 6 كم/ساع اسپايتىن جىلدامدىقپەن ءجۇرۋ ءتيىس.
- ەلەكترلى ساموكاتتى ايداۋعا تەك 18 جاستان باستاپ رۇقسات ەتىلەدى جانە كەز كەلگەن ساناتتاعى جۇرگىزۋشى كۋالىگى قاجەت.
- موپەد، ەلەكترلى ساموكات جانە ۆەلوسيپەد جۇرگىزۋشىلەرى جولدىڭ ءجۇرىس بولىگىندە جۇرگەندە عانا بەكىتىلگەن شلەمدى كيۋى كەرەك;
- سىرت كيىمدە، سومكەدە نەمەسە كەز كەلگەن دەنە بولىگىندە كوزگە شاعىلاسىن ايرىقشا بەلگى بولۋى ءتيىس.
- ەلەكترلى ساموكاتتى ماس كۇيىندە جۇرگىزگەنى ءۇشىن اقبتك-ءنىڭ 440-بابى بويىنشا جاۋاپقا تارتىلادى.
"ادىرنا" ۇلتتىق پورتالى
ۇقساس جاڭالىقتار
