پانفيلوۆ ديۆيزياسىنىڭ سوڭعى جاۋىنگەرى قايىرلى جونقاباەۆتىڭ جەرلەۋ ءراسىمى كەشە بورولداي زيراتىندا ءوتتى. بۇل تۋرالى ۇلتتىق ۇلاننىڭ ءباسپاسوز قىزمەتى مالىمدەدى، دەپ حابارلايدى “ادىرنا” ءتىلشىسى.
اتى اڭىزعا اينالعان قارت جاۋىنگەردى جەرلەۋ ءراسىمى كەشە بورولداي زيراتىندا ءوتتى. ارداگەر جۇبايىنىڭ جانىنا جەرلەندى، دەلىنگەن حابارلامادا.
ايتا كەتەيىك، بۇعان دەيىن عاسىر جاساعان قارت قايىرلى ۋاتايۇلىنىڭ ومىردەن وتكەنىن حابارلاعان ەدىك.
قايىرلى جونقاباەۆ 1921 جىلى شىعىس قازاقستان وبلىسىنىڭ سامار اۋدانىندا دۇنيەگە كەلگەن. قايىرلى ۋاتايۇلى مايدانعا اتتانعانعا دەيىن شىعىس قازاقستان وبلىسىندا ورتا مەكتەپتە مۇعالىم بولىپ قىزمەت اتقارعان.
1941 جىلى پانفيلوۆ ديۆيزياسىنىڭ 23-گۆارديالىق پولكىنىڭ جاۋىنگەرى بولدى، بۇكىل سوعىستى باستان وتكەردى. كەڭەس وداعىنىڭ باتىرى مالىك عابدۋللينمەن ءبىر روتادا 8-گۆارديالىق اتقىشتار ديۆيزياسىندا پۋلەمەتشى بولعان.
ءوزىنىڭ ديۆيزياسىمەن بەلارۋستى، پولشانى، ەستونيانى ازات ەتۋگە قاتىستى. 1943 جىلى اقپاندا رجەۆ تۇبىندەگى قاندى شايقاستا جارالانىپ، جەڭىستى درەزدەندە قارسى الدى.
