18 جاستاعى قازاقستاندىق جىگىت تايلاندتا قايتىس بولدى. بۇل اقپاراتتى ءسىم راستادى، دەپ حابارلايدى "ادىرنا".
ارالدىڭ سولتۇستىگىندەگى ناي يانگ جاعاجاي ايماعىندا ءتۋريستىڭ جوعالعانى تۋرالى پحۋكەت پوليتسياسى 1 قىركۇيەكتە حابارلاعان ەدى. تاسس باسىلىمى جازعانداي، جوعالعان ازاماتتى رەسەيلىك تۋريست بولۋى مۇمكىن دەپ مالىمدەگەن. تايلاندتا قاتتى تولقىندار مەن جاڭبىر بولىپ، اۋا-رايىنا بايلانىستى ىزدەۋ-قۇتقارۋ وپەراتسياسى توقتاتىلعان.
وكىنىشكە وراي، 3 قىركۇيەكتە تاڭەرتەڭ ناي يانگ جاعاجايىنان ازاماتتىڭ دەنەسى تابىلدى. ول 18 جاستاعى قازاقستاندىق بولىپ شىقتى.
«تايلاندتىق قۇتقارۋشىلار ەكى كۇندىك ىزدەستىرۋ جۇمىستارىنان كەيىن 2005 جىلى تۋعان ەر ادامنىڭ دەنەسىن سۋدان الىپ شىقتى. مارقۇمنىڭ اتا-اناسى پحۋكەتكە كەلىپ، انىقتاۋ راسىمىنە قاتىسادى»، - دەلىنگەن سىرتقى ىستەر مينيسترلىگىنىڭ ءباسپاسوز قىزمەتىندە.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز