سارسەنبى، 13 قىركۇيەكتە وسكەمەن سوتى قىلمىستىق قۇقىق بۇزۋشىلىق جاسادى دەپ ايىپتالعان باتىس قازاقستان وبلىسى بويىنشا مەملەكەتتىك ساۋلەت-قۇرىلىس باقىلاۋىنىڭ (مسقب) باسشىسى ءمادي وتارباەۆقا قاتىستى ۇكىمدى جاريالادى، - دەپ حابارلايدى "ادىرنا" ءتىلشىسى "موي گورود"-قا سىلتەپ.
55 جاستاعى شەنەۋنىك 361-باپ «بيلىكتى اسىرا پايدالانۋ» بويىنشا قىلمىس جاساعانى ءۇشىن كىنالى دەپ تانىلىپ، ءتورت جىلعا باس بوستاندىعىن شەكتەۋ جازاسىنا كەسىلدى. سونىمەن قاتار، سوت وتارباەۆقا ءومىر بويىنا مەملەكەتتىك قىزمەتتە جۇمىس ىستەۋگە تىيىم سالدى.
ءىس ماتەريالدارىنا سايكەس، سوتتالۋشى قىلمىستى 2016 جىلى شقو قۇرىلىس جانە ساۋلەت باسقارماسىنىڭ باستىعى قىزمەتىن اتقارعان كەزدە جاسالعان.
ناقتىراق ايتقاندا وتارباەۆتىڭ قول قويعان №1 ورىندالعان جۇمىستاردى قابىلداۋ اكتىسى نەگىزىندە «UK STROY GROUP» جشس ەسەپشوتىنا 149 ملن.تەڭگە سوماسىندا قاراجات اۋدارىلدى، ونىڭ 77,8 ملن.تەڭگەسى بيۋدجەتتىك ەكەنى انىقتالدى. كەلتىرىلگەن شىعىن تولىعىمەن وتەلگەنى ايتىلدى.
بۇرىن حابارلانعانداي، سوت بارىسىندا وتارباەۆقا ەشقايدا كەتپەۋ تۋرالى قولحات بەرىلگەن. الايدا 3 تامىزدا شەنەۋنىك قورداي شەكارا زاستاۆاسى ارقىلى شەكارادان وتپەك بولعان كەزدە ۇستالدى. وتارباەۆ قىرعىزستانعا كەتۋدى جوسپارلاعان. سودان كەيىن بۇلتارتپاۋ شاراسى وزگەرتىلىپ، قاماۋعا الىندى، ال سارسەنبى كۇنى ۇكىم جاريالانعان سوڭ وتارباەۆ سوت زالىندا بوساتىلدى. ەندى ول پروباتسيالىق باقىلاۋدا بولىپ، تۇراقتى تۇرعىلىقتى جەرىن وزگەرتپەۋى كەرەك.
ۇكىم زاڭدى كۇشىنە ەنگەن جوق جانە وعان شاعىم جاساۋعا بولادى.
بقو اكىمدىگىنىڭ سايتىندا ءمادي وتارباەۆ ءالى كۇنگە دەيىن مەملەكەتتىك ساقتاندىرۋ كومپانياسىنىڭ باسشىسى رەتىندە كورسەتىلگەن، ال باسقارمانىڭ ءوزى شەنەۋنىكتىڭ ەكى اي بويى ەڭبەككە جارامسىزدىق پاراعىندا بولعانىن بۇعان دەيىن مالىمدەگەن.
ۇقساس جاڭالىقتار
