Särsenbı, 13 qyrküiekte Öskemen soty qylmystyq qūqyq būzuşylyq jasady dep aiyptalǧan Batys Qazaqstan oblysy boiynşa Memlekettık säulet-qūrylys baqylauynyŋ (MSQB) basşysy Mädi Otarbaevqa qatysty ükımdı jariialady, - dep habarlaidy "Adyrna" tılşısı "Moi gorod"-qa sıltep.
55 jastaǧy şeneunık 361-bap «Bilıktı asyra paidalanu» boiynşa qylmys jasaǧany üşın kınälı dep tanylyp, tört jylǧa bas bostandyǧyn şekteu jazasyna kesıldı. Sonymen qatar, sot Otarbaevqa ömır boiyna memlekettık qyzmette jūmys ısteuge tyiym saldy.
Is materialdaryna säikes, sottaluşy qylmysty 2016 jyly ŞQO qūrylys jäne säulet basqarmasynyŋ bastyǧy qyzmetın atqarǧan kezde jasalǧan.
Naqtyraq aitqanda Otarbaevtyŋ qol qoiǧan №1 oryndalǧan jūmystardy qabyldau aktısı negızınde «UK STROY GROUP» JŞS esepşotyna 149 mln.teŋge somasynda qarajat audaryldy, onyŋ 77,8 mln.teŋgesı biudjettık ekenı anyqtaldy. Keltırılgen şyǧyn tolyǧymen ötelgenı aityldy.
Būryn habarlanǧandai, sot barysynda Otarbaevqa eşqaida ketpeu turaly qolhat berılgen. Alaida 3 tamyzda şeneunık Qordai şekara zastavasy arqyly şekaradan ötpek bolǧan kezde ūstaldy. Otarbaev Qyrǧyzstanǧa ketudı josparlaǧan. Sodan keiın būltartpau şarasy özgertılıp, qamauǧa alyndy, al särsenbı künı ükım jariialanǧan soŋ Otarbaev sot zalynda bosatyldy. Endı ol probasiialyq baqylauda bolyp, tūraqty tūrǧylyqty jerın özgertpeuı kerek.
Ükım zaŋdy küşıne engen joq jäne oǧan şaǧym jasauǧa bolady.
BQO äkımdıgınıŋ saitynda Mädi Otarbaev älı künge deiın Memlekettık saqtandyru kompaniiasynyŋ basşysy retınde körsetılgen, al basqarmanyŋ özı şeneunıktıŋ ekı ai boiy eŋbekke jaramsyzdyq paraǧynda bolǧanyn būǧan deiın mälımdegen.
Ūqsas jaŋalyqtar
