Mäjılıs deputaty Däulet Mūqaev äleumettık saladaǧy jemqorlyq turaly söz qozǧady. Būl turaly ol mäjılıste äleumettık saladaǧy jemqorlyq turaly ötken otyrysta aitty, dep habarlaidy “Adyrna” ūlttyq portaly.
"Bala dünie kelgennen bastap adam qaitys bolǧanǧa deiıngı kezeŋdı jemqorlyq jailaǧan. Qūdai saqtasyn, adam ölse, Almatydaǧy taudyŋ maŋaiy, "Keŋsai" ziratynyŋ maŋaiynan jer ızdeidı. Bala düniege keletın kezde jaqsy därıger, perzenthana kerek dep sabylady. Sosyn balabaqşa, mektep bastalady. Bala universitetke barady. Osydan soŋ ol üilenıp, otbasy bolady. Osy kezde olarǧa üi kerek. Ony alu üşın üidıŋ kezegıne tūru qajet. Jūmysqa ornalasady. Osy salanyŋ bärınde jemqorlyq", - deidı Mūqaev.
Mäjılıs deputatynyŋ aituynşa, oǧan Qyzylorda oblysy men Şymkent qalasynyŋ tūrǧyndarynan köp hat tüsedı eken.
"Mysaly, jai ǧana eden juuşy bolyp jūmysqa ornalasu üşın 500 myŋ teŋge sūraidy. Mūǧalımderdıŋ stavkasy 1-1,5 mln teŋge bolyp ketken. Ondai hattar öte köp", - deidı deputat.
Sondai-aq, ol hat ielerıne Antikorǧa habarlasuǧa keŋes beredı.
"1424 nömırın de beremın. Endı sol 1424-ke habarlasqanda, algoritm qalai jūmys ısteidı? Antikor ne ısteidı, tüsındırıp berıŋızşı", - dep sūrady Mūqaev Antikor ökılınen.
Sybailas jemqorlyqqa qarsy ıs-qimyl agenttıgı prevensiia qyzmetınıŋ basşysy Saian Ahmetjanovtyŋ aituynşa, 1424 nömırıne täulık boiy habarlasuǧa bolady.
"Osyndai faktı naqty bolsa, onyŋ aryzy tırkeluı kerek. Ol adam aryz jazuy kerek. Jai aita saluǧa bolmaidy. Būl taldau emes, qylmystyq ıs bolyp sanalady. Osyǧan säikes jedel tergeu jürgızu şart. Mūndai jaǧdai anyqtalsa, qylmystyq ıs tırkelıp, tergeu bastalady. Oǧan eş kümän bolmau kerek. Ondai aqparat tüsse, tolyq jauap beruge daiynbyz", - dedı Ahmetjanov.
Osy oraida deputat Mūqaev Antikor ökılınen habarlasqan adamnyŋ anonimdılıgıne kepıldık berıle me dep sūrady. Öitkenı, aituynşa, köp adam qorqady.
"Anonimdı faktı bolsa, ondai jaǧdaida bız faktını taldauǧa alamyz. Mūny kım aitty, derek qaida tırkeldı, qai memlekettık organ, ol mektep pe, balabaqşa ma? Ony anyqtauǧa bolady. Alaida qylmystyq ıstı qozǧau üşın aryzdanuşy boluy kerek", - dedı Ahmetjanov.
