Türkıstan oblystyq mäslihatynyŋ deputaty Nūraiym Şaqimergen balasyn köterıp, Säken Seifullin atyndaǧy mekteptegı sanitarlyq jaǧdaidy tekseruge bardy.
Deputattyŋ aituynşa, oqu ornyndaǧy ahualǧa bailanysty tūrǧyndardan bırneşe şaǧym tüsken. Tekseru barysynda synyptardyŋ därethanamen ırgeles ornalasqany, sondai-aq därethanadan taraityn ötkır iıstıŋ balalardyŋ oquyna kedergı keltırıp otyrǧany anyqtalǧan.
Nūraiym Şaqimergen būl mäselenıŋ balalardyŋ densaulyǧyna jäne sanitarlyq-gigienalyq talaptarǧa qaişy ekenın atap öttı. Atalǧan jaǧdai boiynşa deputattyq saual joldanyp, mäsele baqylauǧa alynǧan.
Sondai-aq deputat tekseruge balasyn bırge aparuyna mäjbür bolǧanyn aitty. Onyŋ sözınşe, bala kütuşınıŋ syrqattanuyna bailanysty balasyn qaldyratyn adam bolmaǧan.
Nūraiym Şaqimergen özınıŋ jalǧyzbasty ana ekenın atap ötıp, soǧan qaramastan halyq aldyndaǧy jauapkerşılıktı keiınge şegermeudı jön körgenın jetkızdı. Onyŋ aituynşa, kei jaǧdailarda balasymen bırge qoǧamdyq qyzmet atqaruǧa tura keledı.
"Būryn jalǧyzbasty analardy aiauşy edım. Qazır özım sol qatarǧa qosyldym.
Bıraq sezımım mülde basqa. Tüsıngenım , jalǧyzbasty analar älsız emes. Olar eşkımge aitpaityn, eşkımge körsetpeitın naǧyz küştıŋ iesı. Sebebı qandai jaǧdaida da toqtap qalmaitynyn öz basymnan ötkerıp jürmın.
Sol künı bala kütuşı auyryp qaldy.
Balam özge eşkımge könbeidı. Al halyqpen kezdesu keiınge şegerılmeuı kerek, sebebı ülken jauapkerşılık. Sondyqtan kei sätterde balammen bırge elge qyzmet etemın", - dedı ol.
